• Иҗтимаий мәсилә
  • 30 Мамыр, 2019

Йеңи өйләргә көчүп кирди

Гөһәрбүви ИСМАЙИЛҖАНОВА, «Уйғур авази» Йеқинда Яркәнт шәһириниң турғунлири чоң хошаллиқниң шаһиди болди. Шәһәрниң җәнубий-шәрқий қисмида буниңдин икки жил бурун турушлуқ өй селиш үчүн мәхсус йәр таллавелинип, қурулуш ишлири башланған еди. Йеқинда әйнә шу 40 өйниң 13гә көпбалилиқ аилиләр көчүп кирди. – Елимизниң Тунҗа Президенти – Елбасы Нурсултан Назарбаевниң беваситә тапшурмиси билән хәлиқниң иҗтимаий турмушини яхшилаш үчүн елип бериливатқан бу хилдики алийҗанап ишлар йәниму давам қилиду,– деди тәнтәнидә сөзгә чиққан наһийә һакими Темирлан Бектасов. – Мана мошу йәрдә йәнә 240 пәтирлик бәшқәвәтлик өй қәд көтиридиған болиду. Биз, биринчи новәттә, көпбалилиқ, баққучисидин айрилған аилиләрни өй билән тәминләшни нийәт қиливатимиз. Йеңи өй егилиригә қурулуш ишлирини елип барған «Техноснаб» компанияси тәрипидин гиләм соға қилинди. Андин өйләрниң рәмзлик лентиси қийилип, жиғилған көпчиликкә наһийә сәнъәтчилириниң концертлик программиси көрситилди. Анилар чачқа чечип, жиғилған чоң-кичик йеңи өйләрни арилап чиқти. Тәкитләш керәкки, Панфилов наһийәсидә бүгүнки күнгә қәдәр турушлуқ өй елиш үчүн 26 480 адәм новәттә туридекән. Өй селиш үчүн өлчүк йәргә әризә бәргәнләрниң сани 4000дин ешипту. Кейинки икки-үч ай давамида йәрлик тиҗарәтчиләрниң һамийлиғида көпбалилиқ аилиләргә өй селип бериш ишлири әмәлгә ашурулмақта. Панфилов наһийәси.

26 рет

көрсетілді

0

пікір
Алдыңғы мақала Тарифлар төвәнләватиду
Келесі мақала Қәризни ким төләп бериду?

Біздің Telegram каналына жазылыңыз

алдымен сізді қызықтыратын барлық жаңалықтарды біліңіз

ПІКІР ҚАЛДЫРУ

Сіздің электронды пошта жарияланбайды. Қатарды міндетті түрде толтырыңыз *