• Статистика
• 10 Шілде, 2019

Аяллар қанчә? Әрләрчу?

Қазақстан Җумһурийити Миллий ихтисат министрлиги Статистика комитетиниң экспертлири мәмликитимиздә аяллар билән әрләр саниниң қанчә екәнлигини һесаплап чиқарди. Статистика мәлуматлириға асаслансақ, мәмликитимиздә 9-июль күнигә қәдәр 18 510 450 адәм яшаватиду. Уларниң 9 541 733– аяллар, 8 968 719–әрләр. Шундақла идарә сайтида мошу айдики демографиялик әһвалниң тезлик дәриҗиси көрситилгән. Мәсилән, министрлик әхбаритиға асаслансақ, Қазақстанда һәр 77 секундта бир бала туғулуп, һәр 235 секундта бир адәм вапат болидекән. 2802 секундта мәмликәткә бир иммигрант келип, 597 секундта бир граждан кетиветипту. Униңдин ташқири сайтта мошу жилниң бешидин тартип, 9-июльғичә болған демографиялик әһвал сани көрситилиду. Мәсилән, 2019-жилниң бешидин тартип, 9-июльғичә мәмликәттә 197 383 адәм туғулуп, 70 776 адәм вапат болған. 7 228 чәтәллик Қазақстанға яшашқа келип, 16 589 адәм мәмликәттин кетипту. Шундақ қилип, аһалиниң умумий өсүши 117 246 адәмни тәшкил қилди.