• «Уйғур авазиниң» сәйилгаһи
• 18 Шілде, 2019

Мөлдүр урди өрүкни

Алма- өрүк баһарда, Убдан чечəк атқанди. Йеза хəлқи хуш болуп, Хелə ишəнч артқанди. Охшап кəтсə өрүги, Һосулини сататти. Көмүр,отун-яғачтин Хижалəтсиз болатти. Бирдə иссиқ, бирдə соғ, Һагиғиму ишəш йоқ. Күтмигəн шу мөлдүрдин Өрүк болди ахир «поқ». Йетип кəлди алдида, Шум хəвири - гүлдүри. Қуювəтти бир чағда Тухумдəкла мөлдүри. Бит-чит қилди бир пəстə Ғору болған өрүкни. Тағдин кəлгəн кəлкүн су Елип кәтти көрүкни. Йəр-җаһанму титриди Чақмақ чаққан гүлдүрдин. Ишəш қилған өрүклəр «Таяқ йеди» мөлдүрдин. Сақ йери йоқ ғорулар «Тиқишатти бешини». «Немə гуна қилдуқ?» дəп. Төкүшəтти «йешини». Өзимиздə аз əмəс Чақмиғи йоқ гүлдүрлəр. Пəйлимизни түзүсəк, Мүмкүн яғмас мөлдүрлəр. Хам сүт əмгəн бəндиниң Һəммə нəрсə пəйлидин. Көңүлини кəң тутса, Амəт издəр кəйнидин. Меһриванлиқ йоқиди, Силиқ гəпму йоқиди. Яхши гəпниң орниға, Ғевəт-өсəк тоқиди. Су талаштуқ етизда Ямғур йеғип турсиму. Гəп қилмиди бəзилəр Көктатлиғи қурисиму. Мүмкүн аччиқ қилғанду Көктин көргəн Егимиз. Шунчə бəрсə ямғурни, Қуриди десəк йеримиз. Рəнҗимəйли мөлдүргə, У Алланиң қудрити. Тохтитишқа йəтмəйду Бəндисиниң җүръити. Шуңа шүкүр қилайли, Яхшилиқлар тилəйли. Пəйлимизни кəң тутуп, Иҗил-инақ жүрəйли. Өтмəй қалса өрүклəр, Анчə рəнҗип кəтмəйли. Өрүкни дəп жүрәкни Һәргиз зедә əтмəйли. Ата-бова өткүзгəн Өрүксизму күнини. Беримиздə баричə Чүшəрсиму хунини. Һасил АБДРИМОВ. Уйғур наһийәси.