• «Уйғур авазиниң» сәйилгаһи
  • 01 Тамыз, 2019

Келәчигидин үмүт зор

Сабирәм ӘНВӘРОВА, «Уйғур авази» Бала ата-аниға қарап өсиду. Шуңлашқа болса керәк, муәллимләр аилисидә өскән балилар муәллимлик кәсипни, дохтурлар аилисидә өскән балилар дохтурлуқ кәспини таллиған әһваллар көпләп учришиду. Бүгүн биз мана шундақ ата-анисиниң изини бастқан сәнъәткар жигит Руфат Сәйдалимов (сүрәттә) һәққидә ейтип өтмәкчимиз. Руфат Сәйдалимов баһарлиқ сәнъәткарлар Тиләпҗан Молотов билән Гүлчеһрә Кәнҗаеваларниң аилисидә дунияға кәлди. Ата-аниси 1979-жилдин 1989-жилғичә наһийәлик «Арзу» ансамблида хизмәт қилди. Атиси Тиләпҗан 1989-жилдин бүгүнки күнгә қәдәр Баһар йезилиқ клубиниң йетәкчиси болуп ишләватиду. Молотовлар аилисидә үч оғул. Йәнә келип һәр үчилиси сәнъәт йолини таллиған. – Әсли мәктәптин кейин программист вә медицина хадими мутәхәссисликлирини егилигән болсамму, нахша-саз мениң жүригимгә йеқин болғачқа, ата-анамниң басқан изини давам қилиш қарариға кәлдим. Шундақ қилип, 2018-жилниң март ейидин башлап наһийәлик «Арзу» ансамблиға ишқа қобул қилиндим, – мақалимиз қәһримани сөһбитимиз давамида. Ушбу бир йерим жилниң ичидә чоң-кичик сәһнидә һүнәр көрситип, қабилийити билән көзгә чүшүп жүргән сәнъәткар жигит Руфат Тиләпҗан оғли сәнъәтхумар хәлқимизниң иссиқ инкасиға еришмәктә. Техи йеқинда у Талдиқорған шәһиридә “Бірлігіміз жарасқан” форуми даирисидә уюштурулған «Өз елім» вилайәтлик вокаллиқ-хореографиялик конкурсиға Уйғур наһийәсигә вакаләтән қатнишип, «Ән салу» номинацияси бойичә І дәриҗилик диплом һәм телевизор билән мукапатланди. Вилайәтниң һәр тәвәсидин жиғилған 32 қатнашқучиниң ичидә қазақ хәлқиниң «Қазақ елі» нахшисини иҗра қилип, биринчиликни қолдин бәрмигән уйғур жигитиниң утуғи махташқа лайиқ, әлвәттә. Сәнъәт йолида тонулуп келиватқан Руфат Сәйдалимовниң келәчигидин жутдашлири вә ата-аниси чоң үмүт күтиду. Бизму униң келәчәктә техиму чоң чоққилардин көрүнидиғанлиғиға ишинимиз. Уйғур наһийәси.

23 рет

көрсетілді

0

пікір
Алдыңғы мақала Жүрәкниң париси
Келесі мақала Омақ қизчақлар

Біздің Telegram каналына жазылыңыз

алдымен сізді қызықтыратын барлық жаңалықтарды біліңіз

ПІКІР ҚАЛДЫРУ

Сіздің электронды пошта жарияланбайды. Қатарды міндетті түрде толтырыңыз *

Уйғур авази

23 Қыркүйек, 2020

Жүктеу (PDF)

Редактор блогы

Ершат Моллахун оғли ӘСМӘТОВ

Редактор блогы