• Йеңилиқлар
  • 28 Қыркүйек, 2012

Мәхсәт — толерантлиқ муһитни қелиплаштуруш

24-сентябрь күни пайтәхттә Қазақстан хәлқи Ассамблеяси һәм Мәдәнийәт вә әхбарат министрлигиниң уюштуруши билән Азиядики өз ара иш-һәрикәт вә ишәнчә чарилири бойичә кеңәшмә (АӨИЧК) әллириниң толерантлиқ мәсилилири бойичә гражданлиқ форуми болуп өтти. Униңға җумһурийитимизниң вә чәт әлләрниң алимлири, көрнәклик җәмийәт әрбаплири, парламент депутатлири, елимиздики дөләтлик мәһкимиләрниң, шундақла АӨИЧК әллириниң Қазақстандики дипломатиялик миссиялириниң вәкиллири, Қазақстан хәлқи Ассамблеяси вә этномәдәний бирләшмиләрниң әзалири, һөкүмәтлик әмәс тәшкилатлар билән яшлар тәшкилатлириниң рәһбәрлири қатнашти.  Бу хәлиқара жиғинда Қазақстан Җумһурийитиниң Президенти — ҚХА Рәиси Нурсултан Назарбаевниң ХХІ әсирдики дуниявий течлиқ идеялири тоғрилиқ «Улуқ дуния — G-GLOBAL» идеяси һәртәрәплимә муһакимә қилинип, Мәркизий Азиядики этнослар ара вә мәдәнийәтләр ара һәмкарлиқни мукәммәлләштүрүш, регионда толерантлиқ муһитни шәкилләндүрүш бойичә вәзипиләр билән ениқ чарә-тәдбирләр бәлгүләнди. Шуниң билән биллә Мәркизий Азия региони әллириниң илмий эксперт һәмдостлуғиниң этнослар ара вә конфессияләр ара мунасивәт саһасидики һәмкарлишиш мәсилилириму тәһлил қилинди. Форумни Қазақстан хәлқи Ассамблеяси Рәисиниң орунбасари — Президент Мәмурийити Кативатиниң рәһбири Ералы Тоғжанов ечип, риясәтчилик қилди. Е.Тоғжанов өз сөзидә Қазақстан Президенти Нурсултан Назарбаевниң «Назарбаев Университетида» оқуған дәрисидики мошу мәсилигә алаһидә диққәт бөлди. «Биринчи. 130 этносниң бешини қошидиған барлиқ қазақстанлиқларниң бирлиги, бу — зор байлиқ. Бизниң вәзипимиз уни қоллап-қувәтләп, сақлаш вә бейитиш. Иккинчи. Толерантлиқ этносларниң достлуғини толуқ чүшәндүрүш, һөрмәт билән қобул қилиш — бизниң җәмийәтлик адәмгәрчилигимизниң аҗралмас қисми. Бу — бизниң җәмийәт билән дөләтниң стратегиялик ресурси. Үчинчи. Бу — тарихий тәғдиримизниң ортақлиғи. Бир әл — бир тәғдир», деди у. Форумда ташқи ишлар министриниң орунбасари Қайрат Сарыбай, Мәдәнийәт вә әхбарат министрлигиниң җавапкәр кативи Жанна Қурманғалиева, АӨИЧК Кативатиниң иҗраий мудириниң орунбасари Қанат Тумыш, Хасийәтлик Климент Окридский намидики София (Болғария) университетиниң профессори, сәясәтшунаслиқ пәнлириниң доктори Татьяна Дронзина, Қирғизстанниң илгәрки дөләт кативи, Бишкек дөләт университетиниң профессори Ишенбай Әбдиразақов, Өзбәкстан Җумһурийити Пәнләр академияси Тарих институтиниң һазирқи заман тарихи вә хәлиқара бөлүми башлиғиниң орунбасари Равшан Назаров вә башқилар сөзгә чиқип, дуниявий толерантлиқ вә ишәнчә болуп һесаплинидиған бехәтәрлик билән һәмкарлиқниң ортақ вә нәтиҗидарлиқ институти наһайити һаҗәт екәнлиги тоғрилиқ пикир-тәклиплири билән ортақлашти. Форум даирисидә алтә панельлиқ пикир алмаштуруш мәйданчилири уюштурулди. Әйнә шундақ мәйданчиларниң биригә җумһурийәтлик Уйғур этномәдәнийәт мәркизиниң рәиси Шаһимәрдан Нурумов қатнишип, қазақстанлиқ уйғурларниң иҗтимаий-сәясий вә мәдәний һаятиға тохталди. 

171 рет

көрсетілді

0

пікір
Алдыңғы мақала Турақлиқ келәчәк үчүн
Келесі мақала Тәғдиримни өзгәрткән «Уйғур авази»

Біздің Telegram каналына жазылыңыз

алдымен сізді қызықтыратын барлық жаңалықтарды біліңіз

ПІКІР ҚАЛДЫРУ

Сіздің электронды пошта жарияланбайды. Қатарды міндетті түрде толтырыңыз *