• Йеңилиқлар
• 11 Қыркүйек, 2019

Әмгигимиз билән җавап берәйли

Президентимиз Қасым-Жомарт Тоқаевниң Мәктүбидики «мәдәнийәт хадимлирини қоллайли» дегән сөзи шәхсән мени хошаллиққа бөлиди. Президентниң сөзидә чоң үмүт вә ениқлиқ бар. Бу қетим Дөләт рәһбири башқа саһалар билән биллә мәдәнийәт саһасиғиму алаһидә көңүл бөлди. «Биз мәдәнийәт саһасида ишләватқан гражданларға йетәрлик дәриҗидә көңүл бөлмәйватимиз», деди Президент. – Бу – әң алди билән китапхана, мирасгаһ, театр хадимлириға мунасивәтлик мәсилә. Уларниң мааши кейинки жиллири тамамән көпәймиди. Шуниң ақивитидин мәдәнийәт хадимлири, болупму яш мутәхәссисләр йеникчилиги бар турушлуқ өй программилириға қатнишалмайду. Мошундақ әһвал мошу кәсипниң абройини чүширип, мунасип кадрларниң тапчиллиғи ениқ сезилмәктә. Келәр жилдин башлап Һөкүмәт мәдәнийәт хадимлириниң маашини көтириши лазим». Бу диққәткә сазавәр һәм көңүлни хуш қилидиған пикирләр. Ойлаймәнки, ейтилған сөз ейтилған йеридила қалмайду. Дәрһәқиқәт, қанчә мааш елишидин қәтъий нәзәр, мәдәнийәт хадими, җүмлидин әтидин-кәчкичә топа-чаңниң ичидә жүргән китапханичи һәқиқәтәнму һөрмәткә лайиқ. Шуңлашқа, Мәктүптә қәйт қилинғинидәк, билим бериш вә саламәтликни сақлаш саһалиридики мәҗбурий иҗтимаий йеникчиликләр мәдәнийәт саһасиниң вәкиллиригиму җәзмән берилиши керәк. Қисқиси, Дөләт рәһбириниң хәлқигә йоллиған дәсләпки Мәктүби көплигән мәсилиләрни өз ичигә алди. Әнди бизниң алдимизда турған вәзипә – һәрбиримиз өз җавапкәрлигимизни чоңқур һис қилишимиз керәк. Президент Мәктүбигә иш-паалийитимиз билән җавап берип, уни қоллап-қувәтлишимиз керәк. Қоллаш дегән немә? У өз әмгигимиз билән җавап бериш дегән сөз. Һәдийәм АХМОЛЛАЕВА, Кичик Дехан йезилиқ китапханисиниң хадими. Уйғур наһийәси.