• Йеңилиқлар
• 26 Қыркүйек, 2019

Қазақстан Җумһурийитиниң Президенти Қасым-Жомарт Тоқаевқа

Һөрмәтлик Президент җанаплири! “Қазақстан-Хорватия” достлуқ җәмийитиниң әзалири намидин Сизниң Қазақстан хәлқигә йоллиған “Конструктив җәмийәтлик диалог – Қазақстанниң турақлиқлиғиниң вә гүллинишиниң асаси” намлиқ Мәктүбиңиздә көтәргән тәшәббусларни қоллап-қувәтләймиз. Биз бу Мәктүпни Хорватияниң Қазақстандики әлчиханисида 9-сентябрь күни өткән “дүгләк үстәлдә” муһакимә қилдуқ. Мениңдә, йәни Хорватия достлуқ җәмийити ассоциациясиниң рәһбиридә Қазақстан рәһбәрлири тәрипидин һакимийәт вә җәмийәт арисидики диалогни тәрәққий әткүзүш саһасида, гражданлиқ җәмийәт институтлирини күчәйтиш, гражданларниң һоқуқ вә әркинликлирини тәминләш, аһалини иҗтимаий һимайә қилиш саһалирида қобул қилиниватқан чарә-тәдбирләр тоғрилиқ билиш чоң қизиқиш пәйда қилди. Қазақстан “Хәлиқни аңлайдиған дөләт” лайиһисини әмәлгә ашурушниң вә Миллий җәмийәтлик ишәнчә кеңишини қурушниң ички турақлиқ вә җәмийәтлик разимәнликни күчәйтишкә қаритилған муһим қәдәмләрдин болидиғанлиғиға ишәнчим камил. Икки дөләт арисидики һәмкарлиқ вә достлуқ әнъәнилириниң күчийидиғанлиғиға үмүтүм зор. Буниңға Қазақстан-Хорватия достлуқ җәмийити һәртәрәплимә ярдәм бериду. Сизниң кәлгүси паалийитиңизгә утуқлар тиләймән. Һөрмәт билән Андрия Карафилипович, Хорватия достлуқ җәмийити ассоциациясиниң президенти, “Хорватия-Қазақстан” достлуқ җәмийитиниң рәиси. Һөрмәтлик Президент җанаплири! Сизниң 2019-жили 2-сентябрь күни Қазақстан хәлқигә йоллиған “Конструктив җәмийәтлик диалог – Қазақстанниң турақлиқлиғиниң вә гүллинишиниң асаси” намлиқ Мәктүбиңизни чоң қизиқиш билән оқуп чиқтим. Бу муһим һөҗҗәттә көрситилгән иҗтимаий-сәясий системини модернизацияләш принциплирини тәминләш арқилиқ ихтисадий ислаһатларни әмәлгә ашуруш саһасидики мәхсәт қилинған комплекслиқ чарә-тәдбирләрни жуқури баһалаймән. Сиз тәклип қиливатқан тәңпуңлуқни сақлайдиған күчлүк Президентлиқ һакимийәт формулиси, парламентаризмни күчәйтиш вә һөкүмәтниң нәтиҗидар паалийити ислаһатлар утуғиниң вә Қазақстан җәмийитиниң узақ муддәттики тәрәққиятиниң капалити екәнлигигә ишәнчим камил. Мәктүпни әмәлгә ашуруш – Қазақстанниң Тунҗа Президенти – Елбасы вә мениң йеқин достум Нурсултан Назарбаев асасини салған ташқи вә ички сәясәттики стратегиялик курсларниң варислиғиниң ярқин көрүнүши. Қазақстанда бийил июнь ейида өткән президент сайлимиға байқиғучи сүпитидә қатнашқинимға наһайити хошалмән. Сайлам хәлиқара демократиялик нормиларға мувапиқ, адиллиқ, ашкарилиқ принциплири асасида өтти. Сизгә Қазақстан хәлқиниң мәнпийити үчүн қиливатқан кәңдаирилик паалийитиңиздә чоң утуқлар тиләймән. Степан Месич, 2000 – 2010-жиллар арилиғидики Хорватия президенти.