• Акция
• 06 Қараша, 2019

«Өз һоқуқиңни бил»

Шәмшидин АЮПОВ, «Уйғур авази» Адреслиқ иҗтимаий ярдәм (АИЯ) елип кәлгән Алмута шәһиридики 600 аилә тапавитини йошурған. Бу тоғрилиқ шәһәрлик прокуратура Facebookта уттур эфир арқилиқ өткүзгән «Өз һоқуқиңни бил» акцияси пәйтидә мәлум қилди. Алмута шәһәрлик прокуратура вәкиллириниң мәлумати бойичә, бийил 14 миңдин ошуқ аилә адреслиқ иҗтимаий ярдәм елиш бойичә әризә берипту. Униң ичидә 2 500 аилә АИЯ елиш тәләплиригә ятмайдиғанлиғи ениқланса, 600 аилиниң тапавитини йошуруп кәлгәнлиги ашкарә болған. Һазир улар ахчини дөләт бюджетиға қайтуруватиду. Қанун бойичә елимиздә аилидики әң кичик бала үч яштин ашқан чағда аниси ишқа чиқишқа тегиш. Бу җәһәттин көпбалилиқ анилар мәркизи аялларға шәхсий тиҗарәт билән шуғуллинишиға яки һәқсиз мутәхәссислик егиләшкә ярдәмлишиду. Әнди Алмута шәһәрлик прокуратуриси Facebookтики сәһиписидә уттур эфир уюштуруп, һәр һәптидә дөләт органлириниң мутәхәссислирини тәклип қилип, турғунларға мәслиһәт беришни қолға алмақчи – дәйду шәһәрлик прокуратура вәкиллири. – «Өз һоқуқиңни бил» акцияси уттур эфир арқилиқ һәрқандақ адәм қатнишалайдиған вә экспертларға соал қоялайдиған очуқ мәйданға айлинидиған болиду.