- Йеңилиқлар
- 15 Қазан, 2012
Мубарәк болсун!
Сехи инсанлар Дилшат Насиров билән Сүрийәм Һезимованиң һамийлиғида тәшкил қилинған Полат Һезимов рәһбәрлигидики «Ирадә» ансамбли йеқинда Испаниядә өткән фестивальға қатнишип, биринчи орунни елишқа сазавәр болди. Мустәқил Қазақстанниң шәнини қоғдап, елимизниң көк туғини Испания асминида йәлпүлдәткән вә миллий сәнъитимизни дуния сәһнисигә елип чиққан «Ирадә» ансамблини Қ.Ғоҗамияров намидики җумһурийәтлик дөләт Уйғур музыкилиқ комедия театри коллективи қизғин һәм сәмимий тәбрикләйду. Келәчәктә мәзкүр ансамбльниң әҗдатлиримиз қалдурған бебаһа мираси — миллий сәнъитимизни йәниму гүлләндүрүп, техиму егиз чоққилардин көрүнүшигә тиләкдашлиғимизни билдүримиз.
Қ.Ғоҗамияров намидики җумһурийәтлик дөләт Уйғур музыкилиқ комедия театриниң коллективи.
482 рет
көрсетілді0
пікір