- Йеңилиқлар
- 17 Маусым, 2020
Уйғур наһийәсигиму йетип кәлди
Сабирәм ӘНВӘРОВА,
«Уйғур авази»
Яш-қериға қаримайдиған ағриқ он бәш миңға йеқин қазақстанлиққа жуқуп, елимиздә сәксәнгә йеқин адәмниң өмри қийилди. Даваси йоқ дәрт, мана, Уйғур наһийәсидинму чиқти. Таҗсиман вирусни жуқтурған наһийә турғуни бирдин барлиқ тәләпләргә лайиқ Ишиктә шәһиригә йәткүзүлүп, дохтурханиға ятқузулди. Һә, бемар билән мунасивәттә болғанлар дәрһал Уйғур наһийәлик мәркизий дохтурханиниң жуқумлуқ ағриқлар бөлүмигә карантинға ятқузулди.
Һазирчә ағриқ жуқтурған иккинчи бемар ениқланмиди. Наһийәдә ағриқниң қанат яймаслиғи үчүн барлиқ һаҗәтлик чариләр қолға елинмақта. Йәни, әһвал җиддий назарәт қилинмақта. Наһийә һакими Шөһрәт Нурахунов өзиниң инстаграмдики торбетидә тәвә турғунлирини бехәтәрлик чарилиригә әмәл қилишқа чақирди. Пәвқуладдә әһвал режими аяқлашсиму, һәрким өз саламәтлиги үчүн бехәтәрлик чарилиригә риайә қилиши керәклигини агаһландурди.
484 рет
көрсетілді0
пікір