- Йеңилиқлар
- 26 Тамыз, 2020
Фируза Шарипова дуния чемпиони аталди
Қазақстанлиқ боксер Фируза Шарипова рәқивини нокаутқа чүширип, ІВА тәхмини бойичә биринчи йерим оттура салмақта дуния чемпиони бәлбеғини йеңивалди.
ІВА тәхмини бойичә дуния чемпиони бәлбеғи үчүн Татарстанниң пайтәхти Қазан шәһиридә өткән кәспий бокс мусабиқисидә қазақстанлиқ спортчи қиз Танзаниялик боксчи Хэппи Дауди билән учрашти. Икки минуттин он раундқа бәлгүләнгән учришиш бәшинчи раундтила аяқлашти – Дауди мәғлубийитини иқрар қилди. Бу — Фируза Шарипованиң кәспий бокстики он биринчи ғалибийити. Әнди у — ІВА тәхмини бойичә өз дивизионида дуния чемпиони.
Қазақстан Президенти Қасым-Жомарт Тоқаев Фируза Шариповани ғалибийити билән тәбриклиди.
“Әҗайип спортчи қизимиз Фируза Шариповани ІВА тәхмини бойичә дуния чемпиони унвани үчүн өткән мусабиқидә ишәшлик ғалибийәт қазиниши билән тәбрикләймән. Буниңдин кейинму муваппәқийәтләр тиләймән”, дәп язди Президент Твиттердики сәһиписидә.
429 рет
көрсетілді0
пікір