• Йеңилиқлар
• 01 Қазан, 2020

Коррупциягә қарши күрәшкә сүръәт бериду

Коррупциягә қарши күрәш агентлиғи рәисиниң биринчи орунбасари Олжас Бектенов башлиған Қазақстан делегацияси Францияниң Страсбург шәһиридә өткән Европа Кеңишиниң коррупциягә қарши дөләтләр топиниң (ГРЕКО) 85-пленарлиқ мәҗлисиниң ечилишиға онлайн режимда қатнашти.
Учришишни ачқан ГРЕКО президенти Марин Мырчело Қазақстанға йеңи 50- әза дөләт сүпитидә һөрмәт көрсәтти. Өз новитидә Олжас Бектенов мәҗлискә қатнашқучиларға беғишланған тәбрик сөзини ейтти.
ГРЕКО җәриянидики актив ишниң муһимлиғи шуниңдин ибарәтки, Қазақстан Президенти Қасым-Жомарт Тоқаев үстимиздики жилниң 19-август күни өткән Коррупциягә қарши иш-һәрикәт бойичә кеңәшмә давамида вә 1-сентябрь күни Қазақстан хәлқигә йоллиған Мәктүбидә атап өткән.
ГРЕКО топиға қатнашқучи әлләрниң коррупциягә қарши һәрикәтлирини мошу саһадики көрнәклик хәлиқара стандартларға мувапиқлиғи турғусидин өзара мониторинг жүргүзүш арқилиқ мукәммәлләштүрүш бойичә өз миссиясини әмәлгә ашурмақта. 2021-жили тәклипләр тәйярлинип, Қаақстанға дәсләпки қетим баһа берилиду.
Мошу абройлуқ европилиқ тәшкилатниң тәклиплирини орунлаш Қазақстанда коррупциягә қарши иш-һәрикәтни йеңи дәриҗигә чиқиришқа сүръәт бериду, дәп күтүлмәктә,
ГРЕКО ишиға актив қатнишиш Европа Кеңишиниң коррупция үчүн җинаий җавапкәрлик тоғрилиқ конвенциясини вә башқиму бирқатар әһмийәтлик хәлиқара шәртләрни ратификацияләшкә мүмкинчилик бериду.
ГРЕКОға әза болуш җинайәтчиләрни экстрадицияләшкә, чәтәлләргә чиқирилған активларни қайтуруш пәйтидә чәтәллик кәсипдашлар билән диалогни мустәһкәмләйду.