• Китап – билим булиғи
• 31 Наурыз, 2022

Қош топлам тонуштурулди

Йеқинда Уйғур наһийәлик әл-Фараби намидики китапханида Пәридәм Тейипованиң «Азаплиқ өмүр» повестьлар топлими билән ақын Сәбетай Спатаевниң «Жер салмағы» намлиқ шеирлар топлиминиң тонуштуруш мәрасими болуп өтти. 

Сабирәм ӘНВӘРОВА, 
«Уйғур авази» 

Кәч давамида Ж.Қудайбергенов намидики 2-Чонҗа оттура мәктивиниң оқуғучилири билән 5-Чонҗа оттура мәктивиниң оқуғучилири ақтамлиқ шаирлиримизниң шеирлирини ипадилик ядқа ейтти. Шундақла йәрлик шаирлиримиз Мамытқан Қудайбергенов билән Тохтасун Хошниязов иллиқ ләвзини йоллап, жутдаш шаирниң әсәрлиридин үзүндиләр оқуп бәрди. Андин Сәбетай Спатаевниң иниси Қуатбек акисиниң шеирлириға қисқичә тохтилип, униң шеирлирини Интернет арқилиқ яш әвлатқа тонуштуруп келиватқанлиғини ейтти. 
– Қолиға қәләм алған адәм үчүн китаптин ашқан байлиқ йоқ. Бир жилда үч китавим йоруқ көрди. Униң бири – «Таштики гүл» шеирлар топлимим. Иккинчиси – балиларға беғишланған йүз һекайәмдин тәркип тапқан «Бөриләр йоли» намлиқ ихчам топлимим болса, үчинчиси – бүгүн лентиси қийилидиған «Азаплиқ өмүр» намлиқ повестьлар топлимимдур. Бу китапқа «Көк алма» вә «Азаплиқ һаят» дегән икки повестим кирди. Йәнә келәчәктә топлайдиған төрт повесть, атмишқа йеқин һекайәм бар. Шундақла қазақчә шеирлиримни жиғип, йәнә бир топлам чиқириш мәхситим бар, – деди Пәридәм Арупқизи. 
Қисқиси, тонуштуруш мәрасимида сөзгә чиққучилар қатарида китапхана мудири Аида Турсунова вә кәчниң һөрмәтлик меһманлири Сәйдалим Амутов, Тиләпҗан Рәхмаев, Үсәнҗан Җәлиловларму болди. Улар жутдаш әдиплиримиз билән пәхирлинидиғанлиғини ейтип, соғилирини тапшурди.