- Қәлб нидаси
- 08 Қыркүйек, 2022
Қостанайлиқ қериндашларға һисдашлиқ
Ашиқлар оти бөләк – көйдүриду,
Жутниңму ришти бөләк – сөйдүриду.
Һә, тилсиз кәлгән отниң ақивити
Җанивар, адәмләрни өлтүриду...
Қиниға чүшмигәнди бирәр оқәт,
Мәсқирә қилип әнди тәбиий апәт.
Тиләймән қостанайлиқ қаяшларға,
Һазирчә бәрдашлиқ һәм сәвир-тақәт.
Орманда көйүватқан чеқирайду,
Жирақта чивин җеним сеқирайду.
Түтүнниң арисида қалған кәби,
Бешимму әндишидин пеқирайду.
Амал бар, күл-чоғларни өчиришкә,
Аман бар, қайтатуруп көрүнүшкә.
Қоғдашқа рәһими көп әң қудрәтлик
Алла бар, орун йоқтур өкүнүшкә...
Абдулҗан АЗНИБАҚИЕВ.
91 рет
көрсетілді0
пікір