- Йеңилиқлар
- 19 Қараша, 2012
Диний бирләшмиләр қайта ройхәттин өтти
Бир жил илгири «Диний паалийәт вә диний бирләшмиләр тоғрилиқ» Қанун өз күчигә киргән еди. Бу Қанунниң 24-бабиға мувапиқ, диний бирләшмиләр мошу қанун күчигә киргән күндин башлап, бир жилниң ичидә йеңи тәләпләргә мувапиқ, өзлириниң тәсис һөҗҗәтлиригә һаҗәт болған өзгиришләрни киргүзүши шәрт болди.
Гражданларниң һаятида, уларниң дуния тонуши билән программилиқ көзқарашлирида, һәтта күндиликтики турмушида динниң алаһидә орун алидиғанлиғи ениқ. Әнди дин саһасиға алаһидә көңүл бөлүш — пәқәт бизниң елимиздила әмәс, барлиқ мәмликәтләрдә әмәлгә ашурулуватқан җәриян. Мошу йәрдә дин саһасидики муһим вақиә — диний бирләшмиләрни дөләтлик ройхәткә елиш вә қайта ройхәттин өткүзүш әмәлгә ашурулди. Мәзкүр чарә-тәдбир «Диний хизмәт вә диний бирләшмиләр тоғрилиқ» Қанунниң 24-бабида тәкитләнгинидәк, «Мәмликәт территориясидә өз паалийитини елип бериватқан барлиқ диний бирләшмиләр өзлириниң тәсис низамнамилири вә өзгиму һөҗҗәтлирини қанун тәләплиригә мувапиқ бир қелипқа кәлтүрүп, бир жил ичидә қайта ройхәттин өткүзүлүши керәк» дәп көрситилгән тәләпкә мувапиқ әмәлгә ашурулди.
Қанун бойичә ят пейиллиқ идеяләргә, мәнъий қилинған әдәбиятларниң таритилишиға йол қоюлмаслиғи керәк. Қанун тәләплиригә мувапиқ, елимизда паалийәт елип бериватқан диний бирләшмиләрниң ениқ сани мәлум болди. Мәсилән, мошу вақитқичә 4551 дәп көрситилгән диний бирләшмиләрниң сани 3088ни тәшкил қилди. Бүгүнки күндә Қазақстан Мусулманлири диний бирләшмисиниң мәмликәт территориясидики 2228 мечити, рус православие чиркосиниң митрополиялик округида 9 епархияси билән 261 приходи, әрмән-апостол чиркоси билән 8 кона урпи-адәтләр чиркоси, рим-католик чиркосиниң 79 бирләшмиси, йәһудийларниң 4 җамаәси, 2 буддистик бирләшмә қайта ройхәттин өтти.
412 рет
көрсетілді0
пікір
