• Әхбаратлар еқими
• 12 Сәуір, 2024

Бирлигини намайиш қилди

Елимизниң он вилайитидә йүз бәргән апәт пүткүл қазақстанлиқларни бепәрва қалдурмиди десәм, мубалиғә болмас. Вәтәндашлиримиз мошундақ қийин пәйттә йәнә бир қетим өзлириниң өмлүгини, бирлигини, меһриванлиғини намайиш қилди. Президент Қасым-Жомарт Тоқаев өзиниң елимиз гражданлириға йоллиған мәхсус мураҗиитидә апәттин зәрдап чәккәнләрдин һечким нәзәрдин сирт қалмайдиғанлиғини алаһидә тәкитлигән еди. Шундақла гражданларни ярдәм қолини сунушқа чақирди. 
 Һазир елимизниң җай-җайлирида су кәлкүнидин зәрдап чәккән регионларға ярдәм топлаш ишлири башланди. Бу иштин, әлвәттә, бизниң Чоң Дехан йезисиниң турғунлириму чәттә қалмиди. Йезидики З.Батталханов намидики оттура мәктәпниң коллективи вә жутдашлиримиз бу ишни йәкдиллиқ билән қоллап-қувәтлиди. Мана, икки күн ичидә җәми 264 900 тәңгә көләмидә мәбләғ топлап, шу мәбләққә орун-йотқан, матрас, балиларниң гигиенилиқ васитилири, резинка өтүкләрни сетивелип, Чонҗа йезисидики ярдәм топлаш штабиға йәткүзүп бәрдуқ. Пурсәттин пайдилинип, мошу хәйрихаһлиқ ишқа бир яқидин баш, бир йәңдин қол чиқирип, өмлүгини, бирлигини намайиш қилған барлиқ жутдашлиримға миннәтдарлиқ изһар қилмақчимән.

 Илия ҚИЯСОВ, 
З.Батталханов намидики оттура 
мәктәпниң иҗтимаий педагоги
 Уйғур наһийәси