• Әхбаратлар еқими
• 12 Сәуір, 2024

Әлликтин жүгрүк аталди

Йеқинда Алмута шәһиридики «Дебют» шахмат клубида шахматчилар иттипақиниң уюштуруши билән сабиқ Кеңәш Иттипақиниң спорт маһири, Қазақстан Җумһурийитиниң хизмәт көрсәткән мәшиқләндүргүчиси Олег Дзюбанниң хатирисигә беғишланған әрләр арисида чемпионат өтти. Униңға җай-җайлардин 50кә йеқин шахматчи қатнашти. 

Мәшүр САСИҚОВ,
«Uiğur avazi»

Олег Дзюбан – Қазақстан шахмитиға салмақлиқ һәссә қошқан шәхсләрниң бири. Униң көплигән шагиртлири чемпион атилип, егиз чоққилардин көрүнүп, елимизниң шан-шөһритини көтәрди. Бийил әйнә шундақ талантлиқ шахматчиниң хатирисигә генерал-майор П.Новиков һамийлиғи һәм тәшәббуси билән дәсләпки қетим ушбу чарә-тәдбир өткүзүлмәктә. Тәкитләш керәкки, спортниң шахмат түри бойичә талай пәллиләр ашқан алмутилиқ Арслан Әлахуновму (сүрәттә солда)иштрак қилди. У тонулған шахматчи хатирисигә беғишланған чемпионатта, йәни рапидтин (50 яштин жуқури) ІІІ орунға сазавәр болса, сеньорлар арисида алтә пай топлап, І орунни йеңивалди. 
Чемпионат ахирида ғалиплар медаль вә мәхсус диплом билән тәғдирләнгәндин ташқири, уларға уюштурғучилар тәрипидин хатирә соғилар тапшурулди. Арслан Әлахунов йеқинда Алмута шәһәрлик һакимийәткә алаһидә тәклип қилинип, шахмат бойичә өтүватқан хилму-хил мусабиқиләрниң паал иштракчиси сүпитидә мәхсус соғиларға егә болди.