• Әхбаратлар еқими
• 25 Сәуір, 2024

Дост болсаң, йөләк бол

Кәлкүн һәқиқәтәнму көплигән адәмләрни өмүрбойи жиққан мал-дуниясидин мәһрум қилип, уларниң көпчилигини макансиз қойди. Балаю-апәткә учриғанларға көпчилик қолидин кәлгән ярдимини айимайватиду. «Жүрәктин-жүрәккә» акцияси даирисидә җумһурийәтлик Уйғур этномәдәнийәт мәркизиниң рәиси Долқунтай Абдухелил билән мәзкүр мәркәзниң Алмута вилайәтлик шөбисиниң рәиси Әркинҗан Җүмәев ҖУЭМниң шөбилири арқилиқ җай-җайларда тәшвиқат ишлирини жүргүзүватиду. Новәттики акция бу қетим Талғир тәвәсидә давам қилип, наһийәлик Уйғур этномәдәнийәт мәркизиниң рәиси Мәрүпҗан Рәһманов, баш жигитбеши Октябрь Қурбанниязов, Ханим-қизлар кеңишиниң рәиси Каминур Сопиеваларниң уюштуруши билән ушбу тәвәдә истиқамәт қиливатқан қериндашлиримиз кәлкүндин зәрдап чәккәнләргә 5 460 000 тәңгилик озуқ-түлүк, кийим-кечәк вә башқиму турмушқа һаҗәтлик нәрсиләрни топлиди. 
Мундақ халисанә ярдәмни қобул қилған Талғир наһийәлик «Қоғамдық келісім» коммуналлиқ дөләтлик мәһкимисиниң мудири Жумағыз Бутабаева миллитимиз вәкиллиригә өзиниң миннәтдарлиғини изһар қилип, бу  Қазақстандики милләтләрара достлуқниң мустәһкәмлигиниң ярқин бир көрүнүши екәнлигини тилға алди.  

Гүлбанум БАҚИЕВА.

Талғир наһийәси,
Алмута вилайити