- Әхбаратлар еқими
- 25 Сәуір, 2024
500 көчәт тикилди
«Алмута – бизниң умумий өйүмиз» экологиялик акцияси даирисидә бутаковка тағлирида Алмута шәһәрлик экология вә қорчиған муһит башқармисиниң «Медеу» дөләт тәбиий паркиниң хадимлириниң тәшәббуси билән 500 өрүк көчити тикилди.
Мәзкүр мәһкимә мудириниң орунбасари Узақ Мықитановниң ейтишичә, бу участкиға өткән жили Сиверс алма көчәтлири тикилгән еди. «Бийил өрүк көчәтлирини таллидуқ. Чүнки улар тағлиқ региондики климатқа яхши маслашқан», деди у.
«Биз ветеранлар һәм пенсионерлар билән биллә шәнбиликкә қатнаштуқ. Мошу акцияни давамлаштуруп, барлиқ шәһәр турғунлирини аватлаштуруш үчүн қатнишишқа һәм тикилгән көчәтләрни пәрвиш қилишқа чақиримиз», дәйду студентлиқ экопатрульниң рәһбири Әдил Нурпеисов.
Тәкитләш лазимки, «Алмута – бизниң умумий өйүмиз» акцияси 8-үмүттә башланди. Мошу акция даирисидә һәрбир шәһәр турғуни мегаполисни тәрәққий әткүзүшкә вә аватлаштурушқа қатнишалайду.
728 рет
көрсетілді0
пікір