- Әхбаратлар еқими
- 08 Мамыр, 2024
Қазақстанда уруш ветеранлириға һөрмәт бөләкчә
Әмгәк вә аһалини иҗтимаий қоғдаш министрлигиниң мәлуматлири бойичә, Қазақстанда һазир 148 уруш ветерани бар. Уларға Улуқ Ғалибийәтниң 79 жиллиғи һарписида 1,5 миллион тәңгә көләмидә бирқетимлиқ ярдәм пули берилди.
Тәкитләш лазимки, Қазақстанда башқа әлләр билән селиштурғанда Ғалибийәт күнигә берилидиған бирқетимлиқ иҗтимаий төләмниң көләми әң көп болуп һесаплиниду, йәни 3,8 миң АҚШ доллариға тәң болмақта. Мәсилән, Таҗикстанда 24 ветеран бар екән, уларға берилидиған төләм көләми 2,2 миң долларни, Өзбәкстанда болса 1,5 миң долларни тәшкил қилған. Беларусьта 1,1 миң ветеранниң һәрқайсисиға 1,2 миң доллар, Әзәрбәйҗан билән Қирғизстанда 1,1 миң доллар көләмидә ярдәм пули берилиду. Әнди Россиядә болса, бу мәхсәтләргә берилидиған мәбләғ әң төвән екән. У йәрдә 12,5 миң ветеранға 107 доллар көләмидә төләм тайинланған.
748 рет
көрсетілді0
пікір