• Концерт
  • 11 Қаңтар, 2013

Сәһнидә — Рәнагүл

Йеқинда Қ.Ғоҗамияров намидики җумһурийәтлик Уйғур музыкилиқ комедия театрида «Азия плюс Records» cтудиясиниң (мудири Сәһәрдин Йүсүпов) уюштурушида яш нахшичи Рәнагүл  Иминҗанова өзиниң «Йеңи жил!» намлиқ дәсләпки йәккә концертлиқ программисини һәдийә қилди, дәп хәвәрләйду, штаттин ташқири мухбиримиз Гүлҗамал Әмәтбақиева. Алмута шәһиридики Абдулла Розибақиев намидики 153-уйғур мәктәп-гимназияниң 5-синип оқуғучиси Рәнагүл кичигидин момиси — бәстикар-композитор һәм шаирә Сайрәм Ибрагимованиң нахшилирини тиңшап өсти. У момиси йезип бәргән «Хош ана бағча» нахшисини  биринчи қетим балилар бағчисидә орунлиған еди. У чоң  сәһнигә мәтини йәнә шу момисиниң қәлимигә мәнсүп «Дәсләпки қоңғурақ» нахшиси билән чиқти. Бүгүнки күндә кичик юлтузимиз уйғур, қазақ, рус һәтта инглиз вә әрәп тиллирида нахшиларни иҗра қилип, сәньәтсөйәр хәлқимизниң қәлбигә йол тапалиди. 2012-жил Рәнагүл «Күншуақ KZ» җәмийәтлик фондиниң уюштуруши билән өткән җумһурийәтлик конкурс-фестивальда биринчи орунға еришип, лауреат аталди. Рәнагүл Иминҗанованиң «Йеңи жил» намлиқ бу тунҗа концерти көпчиликниң көңлидин чиқти десәк, мубалиғә болмас. Бу күни талантлиқ қизчақ өз репертуаридики «Балилиғим», «Достлуқ», «Вәтән», «Анамға» нахшилирини бабиға йәткүзүп иҗра қилди. Бизму өз новитидә Рәнагүл Иминҗановаға сәньәт йолидики кәлгүсигә ақ йол тиләп, униң охшаш миллий сәнъитимиз варискарлириниң бар екәнлигигә хурсән болимиз.

152 рет

көрсетілді

0

пікір
Алдыңғы мақала Арамбәхш дәмләрни һәдийә қилди
Келесі мақала “Салам хәлқим”

Біздің Telegram каналына жазылыңыз

алдымен сізді қызықтыратын барлық жаңалықтарды біліңіз

ПІКІР ҚАЛДЫРУ

Сіздің электронды пошта жарияланбайды. Қатарды міндетті түрде толтырыңыз *

Уйғур авази

16 Қыркүйек, 2020

Жүктеу (PDF)

Редактор блогы

Ершат Моллахун оғли ӘСМӘТОВ

Редактор блогы