• Йеңилиқлар
• 05 Шілде, 2013

Тәбрик телеграммилирини әвәтти

Дөләт рәһбири Нурсултан Назарбаев шейх Тамим бин Хамад Әл Таниға Катар дөлитиниң әмири лавазимини егилишигә бағлиқ телеграмма әвәтти. Телеграммида Тамим бин Хамад Әл Таниниң өз мәмликитиниң рәһбәрлири йеңи әвладиниң ярқин вәкили болуп, барлиқ билимини вә интилишини мәмликәтниң йеңи чоққиларни егилиши үчүн сәрип қилидиғанлиғиға, шундақла өз атисиниң парлақ йолини давамлаштуридиғанлиғиға ишәнчә билдүрүлиду. «Қазақстан билән Катар оттурисидики достанә һәм шериклик өзара мунасивәтләрниң җошқунлуғини йоқатмай, бәлки икки мәмликәт хәлиқлириниң пайдиси үчүн буниңдин кейинму тәрәққий етидиғанлиғиға ишинимән», дейилиду телеграммида. Ахирида Дөләт рәһбири Катар әмиригә саламәтлик вә дөләтлик паалийәттә утуқ-муваппәқийәт, достанә Катар хәлқигә гүллиниш һәм молчилиқ тилиди, дәп хәвәрләйду Президентниң Мәтбуат хизмити. *** Президент Нурсултан Назарбаев Моңғулстан Президенти Цахиагийн Элбэгдоржға униң иккинчи қәрәлгә Президент болуп сайлиниши мунасивити билән телеграмма әвәтти. Телеграммида Дөләт рәһбири Қазақстан билән Моңғулстан оттурисида яхши хошнидарчилиқ вә достанә мунасивәтләрниң орнитилғанлиғини, шундақла өзара пайдилиқ һәмкарлиқниң күчийиватқанлиғини тәкитлиди. «Икки мәмликәтниң тәрәққиятиға нишан қилинған қоюқ өзара мунасивәтләрниң буниңдин кейинму чоңқурлишидиғанлиғиға ишинимән», дейилиду телеграммида. Униңдин ташқири Дөләт рәһбири Моңғулстан Президентини вә достанә моңғул хәлқини мәмликәтниң қәдәм тәшрип қиливатқан «Наадам» миллий мәйрими билән тәбриклиди. Ахирида Нурсултан Назарбаев Моңғулстан хәлқигә бирлик һәм  гүллиниш, Цахиагийн Элбэгдоржға болса, саламәтлик вә паалийитигә утуқ тилиди, дәп хәвәрләйду Президентниң Мәтбуат хизмити.