• Йеңилиқлар
  • 23 Қаңтар, 2012

Исми әл қәлбидә

Д.Қонаевниң 100 жиллиғиға беғишланди Өткән пәйшәнбә күни Алмутидики Абай намидики Дөләт академиялик опера вә балет театрида көрнәклик дөләт вә җәмийәт әрбаби Динмухамет Ахмед оғли Қонаевниң 100 жиллиғиға беғишланған тәнтәнилик жиғин болуп өтти. Униңға мәмликәт Президенти Нурсултан Әбиш оғли қатнашти. —    Мәмликәт Динмухамет Ахмед оғли Қонаевниң 100 жиллиқ тәвәллудини нишанлаш арқилиқ 50, 60 вә 70-жиллардики қазақстанлиқларниң әвладиға тазим қилиду, — дәп тәкитлиди Президент. — Уларниң әмгәктә қол йәткүзгән утуқлири, ихтисат асаслирини вуҗутқа кәлтүрүшкә қошқан һәссиси мустәқил Қазақстанниң буниңдин кейинки тәрәққиятиға зәмин яратти. Йеңи мустәқил мәмликәтни вуҗутқа кәлтүргән қазақстанлиқлар илгәрки әвлатниң, шу чағдики мәмликәт рәһбәрлириниң хизмитини баһалайду. Дөләт рәһбири Динмухамет Қонаевниң җумһурийәт вә Қазақстан хәлқиниң тарихидики роли вә әһмийитини жуқури баһалиди. Тәнтәнилик жиғин мәмликәт сәнъәт маһирлириниң концерти билән аяқлашти. Униңға СССР хәлиқ артисти Бибигүл Төлегенова, Қазақстан Җумһурийитиниң хәлиқ артисти Ескендир Хасанғалиев, Н.Тлендиев намидики «Отрар сазы» академиялик фольклор-этнографиялик оркестри, нахшичи Нағима Есқалиева қатнашти. Шу күни дөләт кативи Қанат Саудабаев Алмутида Динмухамет Қонаевниң һәйкилигә гүлләрни қоюш мәрасимиға қатнашти. Шундақла Алмута шәһириниң һакими Ахметжан Есимов, Д.Қонаевниң сәпдашлири, достлири, уруқ-туққанлири, сәясәт, мәдәнийәт әрбаплири, дөләт органлириниң, маарип, саламәтликни сақлаш саһалириниң, һөкүмәтлик әмәс тәшкилатларниң вәкиллири, әмгәк ветеранлири, студентлар көрнәклик дөләт вә җәмийәт әрбабиниң хатирисигә тазим қилди. Андин кейин Қанат Саудабаев билән шәһәр һакими Ахметжан Есимов Динмухамет Қонаевниң мемориал мирасгаһ-пәтирини ачти. Әҗдат роһиға тазим Өткән һәптидә, елимизниң җай-җайлиридикигә охшаш, Уйғур наһийәсиниң мәркизи — Чонҗа йезисидиму көрнәклик дөләт вә җәмийәт әрбаби Динмухамет Ахмет оғли Қонаевниң туғулғининиң 100 жиллиғиға беғишланған хатирә мәрасим болуп өтти. Униңға наһийә һакими Көйүмчан Өмәров қатнишип, Динмухамет Ахмет оғлиниң әмгәк йолиға беғишланған нутуқ билән сөзгә чиқти. Мәлумки, Динмухамет Ахмет оғли бар күч-ғәйритини, ихтидарини Қазақстанниң тәрәққиятиға сәрип қилған әрбап. Алмута шәһириниң сәясий, санаәт, индустрия, илим вә билим мәркизигә айлинишидиму униң әмгиги зор. Динмухамет Ахмет оғли Уйғур наһийәсигиму бир нәччә қетим кәлгән. Һәр хил саһа әмгәкчилири билән учришип, аһали әһвалидин вақип болуп туратти. Хәлиқниң муң-муһтаҗини тиңшап, уларни кечиктүрмәй һәл қилишқа тиришатти. Тәнтәнидә шаир Мамытхан Қудайбергенов сөзгә чиқип, йерим әсир әл башқурған шәхскә беғишлиған шеирини оқуп бәрди. Мәрасим давамида Д.Қонаевниң сәясий паалийитини әкис әттүридиған сүрәтләр  көрситилип, наһийәлик «Арзу» вә «Жазерке» ансамбльлириниң нәғмә-күй вә нахшилири яңрап турди. Махмут ИСРАПИЛОВ. Уйғур наһийәси.

514 рет

көрсетілді

0

пікір

Біздің Telegram каналына жазылыңыз

алдымен сізді қызықтыратын барлық жаңалықтарды біліңіз

ПІКІР ҚАЛДЫРУ

Сіздің электронды пошта жарияланбайды. Қатарды міндетті түрде толтырыңыз *

Уйғур авази

21 Сәуір, 2021

Жүктеу (PDF)

Редактор блогы

Ершат Моллахун оғли ӘСМӘТОВ

Редактор блогы