• Футбол
• 12 Мамыр, 2017

Қазақстан биринчи орунни егилиди

Йолдаш МОЛОТОВ, «Уйғур авази»/ Йеқинда Москвада спортниң йәкму-йәк күришиш түри бойичә дуния чемпионати өтти. Униңға дунияниң жигирмә йәттә дөлитиниң, җүмлидин Қазақстан командиси қатнашти. Қазақстан талланма командиси тәркивидә Гафур Тохтиев рәһбәрлигидики   «Сакура» спорт клубиниң вәкили Данияр Устембаевму болди.— Мусабиқигә йүздин ошуқ спортчи қатнашти, — дәйду Гафур Тохтиев. — Шуңлашқа күрәш наһайити кәскин шараитта өтти. Данияр еғир салмақта (+90 кг) күрәшти. У үч рәқивиниң иккисини нокаут билән йеңивалди. Финалда өзбәкстанлиқ спортчидин ғалип чиқип, чемпион аталди. Әлвәттә, бу йәрдә бизгә маддий җәһәттин ярдәм қолини сунған сахавәтлик инсанларни атап өтүшни тоғра көрүватимән. Әхмәтҗан Шардинов, Герс вә Варис Исламовлар, Ғоҗәхмәт Закиров, Абдурешит Мәхсүтов, Шавкәт Өмәров охшаш акилиримиз көп жиллардин бери бизни һәртәрәплимә қоллап-қувәтләп келиватиду. Шундақла командимизниң врачи Дилшат Молотовниңму әмгиги алаһидә. Пурсәттин пайдилинип, әйнә шу инсанларға алаһидә тәшәккүр изһар қилмақчимән. Мусабиқә йәкүни бойичә умумкомандилиқ һесапта Қазақстан командиси биринчи орунни егилиди. Иккинчи орунни – Россия, үчинчи орунни болса, Өзбәкстан командиси йеңивалди. Алаһидә тәкитләш лазимки, Гафур Тохтиев мәшиқләндүргүчи сүпитидә мошу жиллар ичидә он үч дуния чемпионини тәрбийиләп чиқти.