• Йеңилиқлар
• 30 Қаңтар, 2012

Турушлуқ өйләргә егә болди

Елимиз ихтисадиниң тәрәққиятида иҗабий өзгиришләр йүз беришкә башлиғандин бу ян Қазақстан Җумһурийитиниң «Турушлуқ өй мунасивәтлири тоғрилиқ» Қануни вә Һөкүмәтниң «Дөләтлик турушлуқ өй фондидин өй-җай бериш, иҗаригә елиш вә пайдилиниш тәртиви тоғрилиқ» тохтамиға бенаән, Уйғур наһийәсидә турушлуқ өйгә муһтаҗ шәхсләрни өй билән тәминләш мәсилиси пәйдин-пәй һәл қилинмақта. Қанун бойичә турушлуқ өйгә муһтаҗ шәхсләрниң әризилирини мәхсус комиссия үч топқа бөлүп, әризә егисиниң турмуш шараитиниң әйни әһвалини ениқлиғандин кейин новәткә қойиду. Биринчи топқа иҗтимаий тәминати төвән аилиләр, йәни көп балилиқ, баққучисидин айрилған аилиләр, ялғуз анилар, накалар, нака балиси бар аилиләр, 20 яшқичә болған житим балилар, хәтәрлик ағриққа муптила болған шәхсләр вә оралманлар кириду. Иккинчи топ бойичә һәрбий, дөләт вә бюджетлиқ мәһкимиләр хизмәтчилири, үчинчи топ бойичә Улуқ Вәтән урушиниң ветеранлири билән дәриҗиси уларға тәңләштүрүлгән шәхсләр вә накалар новәттә туридиған болди. Өткән жили мошу топлар бойичә новәттә турған 28 аилә пәтирләр вә коммуналлиқ турушлуқ өйләр фонди тәрипидин турушлуқ өй билән тәминләнди.

Махмут ИСРАПИЛОВ.