• Йеңилиқлар
  • 06 Ақпан, 2012

Қазақстан хәлқи Ассамблеясиниң мәмликәт гражданлириға мураҗиити

Қиммәтлик вәтәндашлар! Жутдашлар! Бүгүн Дөләт рәһбири Қазақстан хәлқигә «Иҗтимаий-ихтисадий йеңилиниш — Қазақстан тәрәққиятиниң асасий йөнилиши» Мәктүби билән мураҗиәт қилип, униңда Қазақстан йолиниң йеңи басқучи — бу ихтисатни күчәйтишниң, хәлиқ паравәнлигини ашурушниң йеңи вәзипилири, дәп тәкитлиди. Һазирқи дунияда бу иҗтимаий-ихтисадий йеңилинишниң түп-асаслиқ мәсилиси. Мәмликәт Президенти алдики вақиттики дөләт тәрәққиятиниң асасий йөнилишлирини бәлгүлиди, чоң вәзипә — 2015-жилға қәдәр кирими жуқури дөләтләр қатариға кириш униң стратегиялик нишани болди. Униң сөзичә, Қазақстан бирлик вә разимәнлик һөкүм сүрүватқан хатирҗәм дөләткә айланди. Президент Н.Ә. Назарбаев бизниң мурәккәп, қариму-қарши һәм өзгиришчан дәвирдә яшаватқанлиғимизни вә дуниявий боһранниң йәнә 5-6 жилға давамлишишиниң мүмкин екәнлигини тәкитлиди. Милләт Лидери Қазақстанниң вә униң хәлқиниң әң муһим иҗтимаий-ихтисадий еһтияҗлирини әкис әттүридиған 10 йеңи стратегиялик йөнилишни атап көрсәтти. «Бүгүн пүткүл дуния вә һәр бир дөләт үчүн күчлүк аләмшумул һәм ички тәләп-синақларға җавап тепиш муһим. Биз иҗтимаий-ихтисадий йеңилинишниң он йөнилиши бойичә вәзипиләрни орунлап, ихтисадимизни күчәйтимиз, җәмийитимизни турақлаштуримиз, хәлқимизниң паравәнлигини ашуримиз», деди у. Дөләт рәһбири ихтисатни диверсификацияләшни давамлаштурушни, оқутушниң нәтиҗидарлиқ системисини вуҗутқа кәлтүрүшни вә ишқа орунлишишқа ярдәмлишишни өз ичигә алидиған йеңи иш билән тәминләш программисини миқияслиқ әмәлгә ашурушни, йезида тиҗарәтчиликни тәрәққий әткүзүшкә ярдәмлишишни вә әмгәк ресурслириниң һәрикәтчанлиғини ашурушни тапшурди. Мәзкүр программа даирисидә 2020-жилға қәдәр 1,5 миллион адәм сүпәтлик ишқа орунлаштурулиду. «Әрзән өй — 2020» йеңи программиси күчлүк инкас пәйда қилди, у мошу жилниң 1-июлиғичә ишлинип чиқиши керәк. Программа даирисидә йерим миллиондин ошуқ яш аилини өй билән тәминләш мәсилиси һәл қилиниду. Мошу вәзипини һәл қилиш үчүн 1 миллион квадрат метрғичә иҗарә турушлуқ өй мәйданини пайдилинишқа бериш, сетивелиш вә сетивелишсиз узақ муддәтлик иҗаригә елишниң икки механизмини көздә тутуш тапшурулди. Дөләт рәһбири регионал тәрәққиятниң муһимлиғини атап көрсәтти. Күчлүк Қазақстан — бу йеңи заводлар селинип, иш орунлири, иҗтимаий инфраструктура вуҗутқа кәлтүрүлидиған күчлүк регионлар, кичик шәһәрләр. У «электронлуқ һөкүмәт», мәмурий җәриянларни аддийлаштуруш, аһалиниң компьютерлиқ савати арқилиқ аһалиға дөләт тәрипидин көрситилидиған хизмәтниң сүпитини ашуруш вәзиписини қойди. Кадрлар ихтидарини күчәйтишниң асасий шәрти — башқурғучиларниң квалификациялик сәясий синипини — ХХІ әсирдә Қазақстанни мунасип башқуридиған башқурғучиларниң йеңи әвладиниң асасини тәшкил қилидиған Президентниң кадрлар корпусини тәйярлаш. Башқа вәзипиләр арисида сот вә һоқуқ қоғдаш системилирини йеңилаш, судьялар корпусини шәкилләндүрүш, Қазақстанда инсан капиталиниң сүпәтлик өсүши, пенсия системисини мукәммәлләштүрүш, индустриал-инновациялик лайиһиләр вә йеза егилигини тәрәққий әткүзүш охшаш йөнилишләр бар. Мәктүптә милләт саламәтлиги тоғрилиқ алаһидә ейтилип, әң еғир ағриқларға қарши мәхсәтчанлиқ күришиш вәзиписи қоюлди. Буниңда Дөләт рәһбири комплекслиқ план асасида билим бериш системисида вәтәнпәрвәрлик, милләтләр ара разимәнлик вә төзүмлүк һәм хәлиқниң асаслиқ қәдрийәтлирини тәшкил қилидиған әхлақ роһида тәрбийиләшни күчәйтишниң зөрүр екәнлигини тәкитлиди. Президент иҗтимаий йеңилинишниң йеңи Парламент вә Һөкүмәт, Қазақстанниң барлиқ җавапкәр күчлири паалийитиниң мәркизий мәсилиси екәнлигини тәкитлиди. Шуңлашқиму биз барлиқ күчимизни Вәтәнниң бәхит-саадити үчүн бирләштүрүшимиз, Қазақстан вәтәнпәрвәрлигини вә һәр бир адәмдә мәмликәт тәғдири үчүн җавапкәрлик һис-туйғусини шәкилләндүрүшимиз керәк. Қазақстан хәлқи Ассамблеяси Мәктүпниң мәмликитимизниң барлиқ вә һәр бир гражданиға мунасивәтлик асасий йөнилишлирини қизғин алқишлайду вә толуқ қоллап-қувәтләйду. Биз пәқәт миллий бирлик вә җәмийәтлик разимәнликниңла дөләтниң турақлиқ тәрәққиятини, Қазақстан хәлқиниң паравәнлигини вә гүллинишини тәминләйдиғанлиғиға камил ишинимиз. Тарих Президентимиз сәяситиниң Қазақстан хәлқигә ихтисадий, иҗтимаий тәрәққият, демократик дөләт қуруш йоли бойичә түп-асаслиқ илгириләшкә имканийәт яратқанлиғини испатлиди. Қазақстан Милләт Лидериниң рәһбәрлигидә миқияси бойичә мисли көрүлмигән дуниявий ихтисадий боһранни ишәшлик йәңгән бүгүнки таңда мәмликәт сүръәтлик индустриал-инновациялик тәрәққиятниң җавапкәр пәйтигә қәдәм ташлаватиду, Қазақстан хәлқиниң буниңдин кейинки көплигән әвлатлириниң тәғдири әйнә шуниң утуқлуқ әмәлгә ашурулушиға бағлиқ. Қазақстан хәлқи Ассамблеяси барлиқ күч-қувәтни сәпәрвәрликкә кәлтүрүшкә, бирлик вә разимәнликни тәминләшкә һәм тарихий миқиястики мурәккәп вәзипиләрни һәл қилиш қабилийитини әмәлиятта испатлиған, һәр қандақ шараитта мәмликәтни вә хәлиқни ишәшлик илгири башлап кетип барған Лидерға ишинишкә чақириду. Буни Қазақстан Җумһурийити Парламенти Мәҗлисиниң сайлими ишәшлик намайиш қилди, униңда Президентниң сәясий йоли Қазақстан гражданлириниң бесим көпчилигиниң ишәнчә мандатиға егә болди. Ассамблея бирлишип күч чиқирип, һәммимизниң миллий Лидеримизниң рәһбәрлигидә күчлүк, хатирҗәм, гүлләнгән вә пүткүл дуния етирап қилған Қазақстанни қуридиғанлиғимизға ишиниду.

Қазақстан хәлқи Ассамблеяси

Астана шәһири, 2012-жил 27-январь.

684 рет

көрсетілді

0

пікір

Біздің Telegram каналына жазылыңыз

алдымен сізді қызықтыратын барлық жаңалықтарды біліңіз

ПІКІР ҚАЛДЫРУ

Сіздің электронды пошта жарияланбайды. Қатарды міндетті түрде толтырыңыз *

Уйғур авази

21 Сәуір, 2021

Жүктеу (PDF)

Редактор блогы

Ершат Моллахун оғли ӘСМӘТОВ

Редактор блогы