• Йеңилиқлар
• 19 Қараша, 2020

Қиммәт иштларға тәләп һелиму үстүн

Мәлум болушичә, Қазақстанда камдин-кам учрайдиған нәсиллик қиммәт баһалиқ иштларға болған тәләп һелиғичә моҗут екән. Казнетниң онлайн-платформилирида көрситилгән әң қиммәт иштниң нәсли ­­­– кли-кай екән. Кичик хаски нәсиллик иштларниң бу түри 10 жил илгири пәйда болған. Баһаси 2,7 миллион тәңгә туридиған күчүкләр Чехиядә яшайдекән.
Кавалер-кинг-чарльз-спаниель нәсиллик күчүкләрниң баһаси уларниң рәңгигә қарап баһалиниду. Мәсилән, қара рәңлик күчүкниң баһаси миллион тәңгә. Померон шпиңларниң баһаси 800 миң тәңгидин болуп, уларму чәттин кәлтүрүлидекән. Ениғирағи, Ташкәнттин. Күчүк оюнчуқтәк көрүнгини билән чоң ғәмхорлуқни тәләп қилиду. Мундақ иштларниң егилири һәқиқий байвәччиләр, улар күчүкләрни көпәйтиш билән шуғулланмайду.
Шундақла акита-ину күчүклириниң бәзибир нәсиллири наһайити аммибаплиққа егә. Иштниң мәзкүр түрини сатқучилар интайин көп, шуниң үчүнму уларниң баһаси 250 миң тәңгигә чүшүп қалған. Бәзи күчүкләрни туғулмастин туруп сетивелишқа болидекән. Уларни УЗИ арқилиқ ениқлап таллавалиду. Қазақстанниң һайванат базирида көпирәк овчаркиларни (30 миң тәңгә), сибирь хаскилирини (50 миң тәңгә), алабайларни (80 миң тәңгә) сетивелишқа болиду.
Шуниңға қаримай, пайтәхт пидаийлири шәһәрлик изоляторлардики макансиз иштларни беқиш үчүн кечә-күндүз мәбләғ издәштүрмәктә. Йәнә келип уларниң арисидиму нурғун нәсиллик иштлар бар.