- Йеңилиқлар
- 19 Қараша, 2020
Кочилар вақтида тазиланди
Алмутида 16-ноябрь күни кечиси қар йеғишқа башлиди, у та таң атқичә давамлашти. Мошу вақит ичидә бәзи җайларда қарниң қелинлиғи 5 сантиметрға йәтти. Шәһәрниң барлиқ коммуналлиқ хизмәтлири кочиларни қардин тазилаш үчүн сәпәрвәр қилинди.
Мутәхәссисләрниң ейтишичә, шәһәрниң тағлиқ районлирида қарниң қелинлиғи 10 сантиметрға йәткән. Шәһәр һакимийитиниң хәвиричә, қарниң йеғиши билән шәһәр кочилирини муз қаплашниң алдини елиш мәхситидә йолларға, көрүкләргә һәм уларға чиқиш вә чүшүш йоллириға тейилғаққа қарши материаллар чечилип, қар тазилаш ишлири жүргүзүлди. Кечилири шәһәр кочилириға қар тазилаш техникилири чиқирилди. 490 ишчи, 498 техника, шундақла 155 қум чечиш машиниси мәзкүр ишқа җәлип қилинди.
“Һазирқи күндә тротуарларни, пиядә меңиш зонилирини, җәмийәтлик транспорт тохталмилирини, транспорт васитилири туридиған җайларни, йол үсти өткүнлирини, истираһәт бағлирини, скверларни қардин тазилаш қизғин кетип бариду” дәп хәвәр қилиду шәһәр һакимийити.
606 рет
көрсетілді0
пікір