• Йеңилиқлар
• 19 Қараша, 2020

Мәктәпләрдә Йеңи жил нишанланмайду

Йеңи жил мәктәпләрдә нишанланмайду, дәп билдүрди Қазақстан Җумһурийити Саламәтликни сақлаш министрлиги Санитария-эпидемиологиялик назарәт комитетиниң рәиси Айжан Есмағамбетова Қазақстан Җумһурийити Президенти йенидики мәркизий алақилар хизмитидә өткән онлайн-брифингта.
“Мәктәпләргә бериватқан оқуғучилар үчүн оқуш орунлирида Йеңижиллиқ чарә-тәдбирләр өткүзүлмәйду”, деди Айжан Есмағамбетова.
Рәис алдимиздики мәйрәмләрдә, җүмлидин 1, 16-17-декабрь күнлиридә қошумчә карантин чәкләшлириниң көрүлүп яки көрүлмәйдиғанлиғини чүшәндүрди.
“Қошумчә чәкләш чарилири таҗсиман вирусни жуқтурғанлар саниниң өсүшигә бағлиқ ахирқи икки һәптә давамида көрүлди. Бүгүнки күндә бизниң асасий вәзипимиз - карантин чарилиригә риайә қилиш. Һазирчә мәзкүр басқучта бүгүнки күндики эпидемиологиялик вәзийәтни һесапқа алған һалда қошумчә карантин чарилирини көрүш көздә тутулмайду. Карантин чарилириниң қәтъийлиги һәрбир регионда қелиплишиватқан эпидемиологиялик вәзийәткә бағлиқ болиду. Әнди униң қандақ қелиплишиши һәрбиримизгә бағлиқ”, дәп йәкүнлиди сөзини Айжан Есмағамбетова.