• Йеңилиқлар
• 04 Ақпан, 2021

Қазақстанлиқларниң мааши қанчилик өсти

Қазақстанда оттура айлиқ мааштин ташқири жиллиқ модальлиқ вә медианлиқ айлиқ мааш һесапқа елиниду. Қазақстанда статистика үчүн көпирәк оттура айлиқ мааш тоғрилиқ мәлуматлар пайдилинилиду. Униң миқдари һәр айда ениқлиниду вә Қазақстан Җумһурийити стратегиялик планлаш вә ислаһатлар бойичә агентлиқниң Миллий статистика бюросиниң порталида елан қилиниду. Порталда өткән жилниң оттура айлиқ маашниң умумий көрсәткүчи йоқ, лекин кварталлиқ мәлуматлар бар. Уларни 2019-жилдики айлиқ маашлар билән селиштуруп көрәйли.
2020-жилниң дәсләпки кварталида оттура айлиқ номиналлиқ мааш 200.332 тәңгини тәшкил қилған. Бу 2019-жилниң мошу дәври билән селиштурғанда 18,9 пайизға көп. Шу жили оттура айлиқ мааш 168.489 тәңгә болған. Әнди 2020-жилниң иккинчи кварталида оттура айлиқ мааш 212.035 тәңгигә өскән. Бу 2019-жил билән селиштурғанда 13,7 пайизға жуқури. Бу көрсәткүч 2019-жилниң иккинчи кварталида 186.537 тәңгини тәшкил қилған. 2020-жилниң үчинчи кварталида оттура айлиқ мааш 204.330 тәңгигә төвәнлигән. Әнди буни 2019-жилниң үчинчи квартали билән селиштурсақ өсүм бари-йоқи 6,9 пайизни тәшкил қилған. Шу жили оттура айлиқ мааш 191.129 тәңгә болған. 2020-жилниң төртинчи кварталида көрсәткүчләр өсти, Қазақстанда оттура айлиқ мааш 233.136 тәңгини тәшкил қилди, у жил көрсәткүчидә 14,3 пайизға өскән.
Шуни әскә селип өтүмизки, 2019-жилниң төртинчи кварталида мәмликәттики оттура айлиқ мааш дәсләпки қетим 200 миң тәңгидин ашқан вә 203.883 тәңгини тәшкил қилған.