• Йеңилиқлар
• 03 Наурыз, 2021

Бир күндә төрт җинайәтчи қолға чүшти

Җәнубий пайтәхт территориясидә “мигрант” оператив-профилактикилиқ чарә-тәдбири жүргүзүлүватиду. Полиция хадимлири дәсләпки күндила төрт җинайәтчини қолға чүшәрди.
Һоқуқ қоғдаш органлири вәкиллириниң хәвиричә, җәмийәтлик тәртипни сақлаш вә чәтәлликләрниң Қазақстанда болуш қаидисигә хилаплиқ қилишини ениқлаш, шундақла шәһәр территориясидә җинайәтчиликниң алдини елиш мәхситидә мәзкүр оператив-профилактикилиқ чарә-тәдбир өткүзүлүватиду.
Алмута шәһәрлик полиция департаменти миграция хизмити башқармисиниң башлиғи Асхат Бутунчиновниң сөзичә, чарә-тәдбирниң дәсләпки күниниң йәкүни бойичә миграция қануниға хилаплиқ қилған 155 адәм мәмурий җавапкәрликкә тартилди. Йәнә 17 чәтәллик Қазақстанниң сиртиға чиқирилди. Полиция 80 чәтәлликни мәмликәттә болуш қаидисигә хилаплиқ қилғанлиғи үчүн җавапқа тартти. Шундақла Қазақстанда чәтәллик ишчилар күчини җәлип қилиш қаидисини бузған 8 иш бәргүчи мәмурий җазаланди.