• COVID - 19
  • 14 Қазан, 2021

Мәлуматлар базисидин өчирилиду

Қазақстан Җумһурийитиниң Саламәтликни сақлаш министри Алексей Цой Мәҗлистә өткән новәттики баш қошушта таҗсиман вирусиға қарши вакцина селинғанлиғи тоғрилиқ сахта паспортларни ясиғанларға нисбәтән қандақ иш-чариләрниң көрүлүватқанлиғи һәққидә ейтип бәрди.
“Бизниң бәзи кәсипдашлиримизму бу ишта таза әмәс, вакцина селишни тиҗарәткә айландурувалғанлиғи раст. Биз дәсләпкиләрдин болуп мәзкүр мәсилини көтәрдуқ. Тегишлик тәкшүрәш структурилиридин мошундақ әһвалларни дәрһал ениқлашни, қатаримизни виждансиз адәмләрдин тазилашни илтимас қилдуқ. Вакцина селинғанлиғи тоғрилиқ сахта паспортларға бағлиқ 90дин ошуқ җинаий ишниң қозғалғанлиғи силәргә яхши мәлум. Уларниң йеримидин ошуғи сахта ПЦР тестлириға, қалғанлири вакцина селинғанлиғи тоғрилиқ сахта паспортларға бағлиқ. Уларниң һәр қайсиси тәпсилий тәкшүрүливатиду, сотниң қарари чиқиши билән сахта паспортларниң барлиғи умумий мәлуматлар базисидин чиқирилиду. Ениғирақ ейтқанда, һәрбир җинаий иш бизниң қаттиқ назаритимиз астида”, дәп тәкитлиди министр.
Министрниң сөзичә, вакцина селиш җәриянини назарәт қилиш үчүн һазир һәрбир вакцина селиш бөлмисидә видеоназарәт камерилири орнитилған. Буниңдин ташқири, ички назарәтму бар. Саламәтликни сақлаш башқармиси әйнә шундақ пунктларни турақлиқ тәкшүрәп туриду. Улар бирнәччә қанунға қарши һәрикәтләрни ениқлиған.
“Биз аһалиға буниң өзини өзи алдаш екәнлигини чүшәндүрүшкә тиришиватимиз. Униң үстигә сетивелинған қәғәз инфекциядин сақлалмайду. Ким кимни алдаватқинини чүшәнмәймән. Әмләткә салғузса әң болмиғанда таҗсиман вируси инфекциясиниң еғир ақивәтлиридин қутулуш мүмкинғу. Қисқиси, һәртәрәплимә иш елип бериватимиз”, дәп йәкүнлиди сөзини идарә рәһбири.

Қазақстанлиқлар Pfizer вакциниси аламду?
Қазақстанниң Саламәтликни сақлаш министри Алексей Цой балилар вә һамилдар аяллар Pfizer вакцинисини салғандин кейин министрлик мәзкүр вакцина селинидиған гражданларниң башқа категориясини қараштуруши мүмкинлигини хәвәр қилди.
«Pfizer» вакциниси дәсләпки басқучта он икки яштин ашқан балиларға вә һамилдар аялларға бәлгүләнгән. Кейинирәк биз еһтимал уларниң қатарини кәңәйтишимиз мүмкин. Һазир мәсилини қараштуруватимиз. Бизниң биринчи новәттики вәзипимиз – балилар үчүн вакцина қолйетимлигини тәминләштур”, – деди Саламәтликни сақлаш министри Мәҗлистә өткән һөкүмәт саатида.
Депутат Ғани Хамзин министрдин «Қазақстан «COVID – 19» вакцинилириға тәң қолйетимлик болушиға қаритилған COVAX  программисиға қатнишишишқа әризә бәрдиму?» дегән соални қойди. Хәлиқ вәкилиниң сөзичә, уларниң вакцинисини чәт әлдә билим еливатқанларға вә иш бабидики сәпәрләргә пат-пат баридиғанларғила селишқа болиду.
«COVAX» программисиниң әвзәллигидә кирими төвән намратчилиқта яшаватқан әлләр туриду. Қазақстан болса кирими оттура һал әлләр қатариға кириду. Барлиқ тәрәққий әткән дөләтләр COVAX программисиға донорлар яки вакциниларни йәткүзгүчиләр сүпитидә қатнишиватиду. Күчи һәм шәхсий заводлири бар вакциниларни ишләп чиқарғучи әлләр көпинчә мәзкүр программисиға қатнашмайватиду”, – дәп җавап бәрди Алексей Цой.
Униң сөзичә, мәзкүр программа бойичә вакциниларни алған хошна дөләтләргә COVAXтин инсанпәрвәрлик ярдәм көрситилди, улар бу препаратларни сетип алмиди. Буниңдин ташқири, Қазақстанда COVAX ярдәм қиливатқан әлләрдикигә қариғанда, әмләткә селиш дәриҗиси жуқури. Әнди бу программиниң мундақ тәливи бар – вакцина әмләткә селиш дәриҗиси 40 пайиздин төвән болған дөләтләргила йәткүзүлиду.
“Биз COVAX бойичә һәмкарлишиватимиз, лекин һазирқи пәйттә уларниң бәлгүлүк шәртлири бар. Вакцинини йәткүзүшниң ениқ қәрәлисиз, вакцинини таллаш һоқуқисиз ахчини алдин-ала төләш һаҗәт. Бу йәрдә һәрқандақ вакцининиң бир дозиси үчүн 12 доллар тәләп қилиши мүмкин. Әмәлиятта, биздә бүгүнки күндә Дуниявий саламәтликни сақлаш тәшкилати тәвсийә қилған вакцинилар бар. Бу Corona Vac, Vero cell. Мәмликитимизниң чоң аһалиси үчүн биз 4 миллион доза алдуқ. Улар барлиқ регионларда бар, ишәшлик әмләткилинишкә болиду”, – дәп йәкүнлиди сөзини министр.
6-октябрь күни саламәтликни сақлаш министри Алексей Цой Pfizer вакцинисини йәткүзүш бойичә ахирқи келишимниң имзаланғанлиғини хәвәр қилди. Үстимиздики жилниң төртинчи чаригидә препарат Қазақстанға кәлтүрүлиду. 

Қазақстан регионда илғар дөләт болуп қалмақта
«Қазақстан Дуниявий саламәтлик сақлаш тәшкилатиниң инфекцияләрниң алдини елиш вә болғузмаслиқ бойичә инструкцияләр вә васитилирини пайдилиниш бойичә илғар дөләт болуп қалиду», – деди Дуниявий саламәтликни сақлаш тәшкилатиниң Қазақстандики вәкили.
 «Мән Қазақстанниң инновациялик ролини тәкитлигүм келиду. Йеңи услубларни киргүзүш қийин. Шуниңға қаримай, мән Қазақстанниң бу вәзипини орунлаштики муһим утуғини қәйт қилишни тоғра дәп һесаплаймән. Қазақстан Дуниявий саламәтликни сақлаш тәшкилатиниң инфекцияләрниң алдини елиш вә назарәт қилиш бойичә инструкциялири билән васитилирини регионда пайдилиништа илғар болуп қаливериду. Қазақстан бизниң экспертлиримиз билән биллә хәлиқара тәклипләргә мувапиқ COVID-19 инфекциясиниң алдини елиш бойичә миллий инструкцияләрни киргүзгән дөләт болуп һесаплиниду. Шундақ қилип, Қазақстан Мәркизий Азиядики бу чарә-тәдбирни 2020-жили аяқлаштурған биринчи дөләт болди», – деди Дуниявий саламәтликни сақлаш тәшкилатиниң вәкили Кларинваль.
 Дуниявий саламәтликни сақлаш тәшкилатиниң вәкили саламәтликни сақлаш министрлигигә, илмий муһитқа вә медицина хадимлириға пандемиягә қарши илмий дәлилләрни пайдиланғанлиғи үчүн миннәтдарлиқ изһар қилди. 

432 рет

көрсетілді

0

пікір

Біздің Telegram каналына жазылыңыз

алдымен сізді қызықтыратын барлық жаңалықтарды біліңіз

ПІКІР ҚАЛДЫРУ

Сіздің электронды пошта жарияланбайды. Қатарды міндетті түрде толтырыңыз *

Уйғур авази

21 Сәуір, 2021

Жүктеу (PDF)

Редактор блогы

Ершат Моллахун оғли ӘСМӘТОВ

Редактор блогы