• COVID - 19
• 25 Қараша, 2021

Мусулманлар әмләткә селишқа қандақ көзқарашта?

Алмута шәһиридики чоң мәркизий мечитниң наиб имами Ержан Есим Регионаллиқ коммуникацияләр хизмитиниң идарисидә Ислам көзқаришида әмләткә селишқа мунасивәтлик соалларға җавап бәрди.

Диний өлималарниң сөзичә, һечбир әнъәнивий динда әмләткә селишқа мәнъий қилиш йоқ, әксичә, саламәтликни сақлашқа интилишни қоллап-қувәтләйду. Алмута шәһириниң барлиқ имамлири шәһәрдә ағриватқанлар саниниң төвәнлишигә қаримай, эпидемиологиялик вәзийәт вә ағриқни жуқтурушниң йеңи әһваллирини дайим назарәт астида тутуватиду. Улар бу ишни һәр күни дегидәк жүргүзүп кәлмәктә.
– Биз өз аилилиримизни таҗсиман вирустин сақлишимиз, бир- биримизниң саламәтлиги һәққидә дайим ғәмхорлуқ қилишимиз һаҗәт. Һазирқи әһвалда бу җәһәттин әмләткә селиш – бирдин-бир амил вә һаятий зөрүрийәт. Дин һәрбир адәмни һаят вә саламәтликкә ғәмхорлуқ қилишқа вә ағриқниң алдини елиш амиллирини издәп тепишқа дәвәт қилиду һәм мәҗбурлайду, ­– деди наиб имам Ержан Есим.
Әнди вакцининиң һалал яки һалал әмәслигигә келидиған болсақ, уни барлиқ мусулман дөләтлир қоллиниватиду, шуниң үчүн мәзкүр мәсилә үстидә баш қатурушниң һаҗити йоқ. Мошу һәқтә ейтип келип, диний өлима Қазақстанниң QazVac вакциниси һалал мәһсулатниң умумий тәләплиригә мувапиқ келидиғанлиғи һәққидә сертификатни алди.
­– Буниңдин ташқири QazVac — “дельта” вариантиға қарши нәтиҗидарлиқ”, ­– деди у. Алимлар нейтраллаштуруш реакциясигә тестни әмәлгә ашурди. Униң йәкүни вәтинимиздә ишләп чиқирилған вакцинини салдурғанларда антител дәриҗисиниң жуқури екәнлигини көрсәтти. Һазирқи күндә адәмләрниң һаятини сақлап қелиш керәк, әмләткә селишқа қарши болуватқанларниң медицинидин һечқандақ хәвири йоқ.
Спикерниң хәвәр қилишичә, Сәүдия Әрәпстани һакимийитиниң қарари бойичә һәҗ сәпиригә бериш нийитидики барлиқ мусулман әһли мәҗбурий түрдә таҗсиман вирусқа қарши әмләткә салдуруши керәк. Мәзкүр қарар дунияниң барлиқ мусулманлири тәрипидин бир еғиздин қоллап-қувәтләнди. У Интернет сәһипилиридә тарқиливатқан хилму-хил миш-мишларға ишәнмәсликни илтимас қилди, униң дин билән һечқандақ қатниши йоқ вә алмутилиқларни иммунизация бойичә кампаниягә актив қатнишишқа чақирди. Спикерниң тәкитлишичә, бу иш һазирқи күндә мәзкүр ховуплуқ вирусни йеңишниң бирдин-бир усулидур.
­– Биз мечитларға вә башқиму диний идариләргә кәлгүчиләр билән дайим сөһбәтлишип туримиз, Алмутида диний бирләшмиләр вәкиллириниң бесим көпчилиги әмләткә салдурған, ­– дәп тәкитлиди наиб имам. Бу адәм өзини һәм йеқинлирини сақлаш, шундақла башқиларға әмләткә салдуруш мүмкинла әмәс, һаҗәт екәнлигини көрситиш үчүн муһим.
Ержан Есим әмләткә салдурушқа бағлиқ өз мәвқәсини Муқәддәс Қуръани Кәримдә ейтилған сөзләр билән дәлиллиди:
­– Биринчидин, ағриқниң алдини елиш сүпитидә әмләткә салдуруш бу “мубах” яки рухсәт қилинған. Иккинчидин, Исламда инсан һаятиниң қанчилик қиммәт вә уни Яратқучи Егимиз бәргән улуқ аманәт сүпитидә сақлашниң зөрүр екәнлиги һәққидә көп ейтилиду. Шундақ екән, Қуръан һәртәрәплимә давалинишқа вә сақийишқа чақириду”, ­– дәп йәкүнлиди сөзини наиб имам.

­­