• COVID - 19
• 13 Шілде, 2022

Алмута «қизил» зониға йеқинлишип қалди

Алмута Covid-19 инфекциясиниң тарқилиш сүръити бойичә «қизил» зониға йеқинлишип қалди. Һазирчә эпидемиягә қарши чариләр шәһәр турғунлири үчүн тәвсийә характериға егә. 
«Covid-19 ағриғиниң өсүш сүръити шундақ болса, шәһәрниң «қизил» зониға өтүши мүмкин. «Қизил» зонида чәклимә чариләрниң күчәйтилиши шәһәрдики эпидемиологиялик әһвалға бағлиқ болиду. Бүгүнки күнгә қәдәр эпидемиягә қарши чариләр җәнубий мегаполис турғунлири үчүн тәвсийә характериға егә. Җумһурийәтниң һәрбир граждини шәхсий гражданлиқ җавапкәрлик мәвқәдә болуши керәк», дәп билдүрди Алмута шәһәрлик Санитарлиқ-эпидемиологиялик назарәт департаментида. 
Санитарлиқ врачлар адәмләр нурғун топланған йәрләрдә болмаслиқни, зөрүр болған әһвалда ниқап тақашни һәм таҗсиман вирус инфекциясигә қарши толуқ вакцинилаш курсидин өтүшни вә тәкрар вакцина селишни тәвсийә қилиду.
«Бүгүнки күндә – бу өзимизни һәм йеқинлиримизни қоғдап қелишниң вә әң болмиғанда, ағриқниң йеник өтүп кетишиниң бирдин-бир усули. Биз умумий күч чиқиришимиз вә җипсилиғимиз арқилиқла Covid-19 ағриғини йеңәләймиз», дәп хуласилиди эпидемиологлар. 
Мәлумки, Алмута илгәркидәкла «сериқ» зонида. Бирақ шәһәр «қизил» зониниң «гирвигидә» туриду. 
Әнди Нур-Султан, Чимкәнт шәһәрлири, Алмута, Ақтөбә, Атырав, Ақмола, Ғәрбий Қазақстан, Җамбул, Қариғанда, Қизилорда, Қостанай, Маңғыстав, Павлодар, Түркстан, Шәрқий Қазақстан, Шималий Қазақстан вилайәтлири «йешил» зонида.