- Әхбаратлар еқими
- 25 Қаңтар, 2024
Қазақстанлиқ спортчиларниң утуқлири
Насирахун РОЗАХУНОВ,
“Uiğur avazi”
Бәш алтун медаль йеңивалди
Венгрияниң Дебренец шәһиридә Иштван Бочкаиниң хатирисигә беғишланған бокс бойичә әрләр арисида өткән хәлиқара турнирда Қазақстанниң талланма командиси бәш медаль муйәссәр болди.
Қазақстан Җумһурийити туризм министрлиги спорт вә тәнтәрбийә ишлири бойичә комитетниң хәвәр қилишичә, Асхат Жусупов (48 кг.), Асылжан Серикбай (57 кг.), Бийбарс Жексен (60 кг.), Ертуган Зейнуллинов (65,5 кг.) вә Ерасыл Жакпеков (80 кг.) салмақ дәриҗисидә чемпионлар аталди.
Буниңдин бираз илгири қазақстанлиқ шорт-трекист Полина Омельчук Канвон-2024 яшлар арисида өткән олимпиада оюнлирида бронза медалиға қол йәткүзгәнлиги хәвәр қилинған.
ИККИНЧИ ОРУННИ ЕГИЛИДИ
Солт-Лейк-Ситида өткән конькида чепишиш бойичә төрт қитъә хәлиқара турнирида Қазақстан Җумһурийитиниң талланма командиси “командилиқ спринт” түридә иккинчи орунни егилиди.
Спорт вә тәнтәрбийә ишлири бойичә комитетниң хәвиричә, Қазақстан үчүн Евгений Кошкин, Никита Важенин, Алтай Жардембекулы вә Артур Ганиев маһарәт көрсәтти.
Мусабиқидә биринчи орунни канадилиқлар егилисә, үчинчи орун җәнубийкореялик спортчиларға буйриди.
596 рет
көрсетілді0
пікір