• Әхбаратлар еқими
• 01 Ақпан, 2024

Һәрбийләргә йеңи форма

Қазақстанда Қураллиқ күчләрниң, башқиму әскәрләрниң вә һәрбий бөлүнмиләрниң һәрбий хизмәтчилири үчүн умумий йеңи форма җарий қилинидиған болди.

Насирахун РОЗАХУНОВ,
“Uiğur avazi” 

Тәкитлинишичә, һәрбий хизмәтчиләрниң барлиқ категорияси үчүн йеңи кийимниң үлгилири өткән жилниң май ейида уюштурулған пүткүлармиялик кеңәшмидә намайиш қилинип, дөләт Президенти Қасым-Жомарт Тоқаев тәрипидин мақулланған.
Һазирқи һәрбий кийим түрлири Дөләт рәһбириниң тапшурмиси бойичә мәнпийәтдар дөләт органлири билән бирликтә қайта ишләнгән. Нәтиҗидә 2023-жилниң 12-көнәк ейида Қазақстан Җумһурийити Президентиниң 2011-жилниң 25-томузида тегишлик Пәрманиға өзгиришләр киргүзүлди.
Һәрбий хизмәтчиләрниң йеңи үлгидики кийимләргә көчүш қәрәли 2024-жилниң төртинчи чаригигә бәлгүлинип, толуқ түрдә йеңи кийимләргә көчүш үч жил давамида аяқлишидиған болди. 
Шундақла мошу жилниң 19-қәһританида Бирләшкән Дөләтләр Тәшкилати Қазақстанға мустәқил течлиқпәрвәр күчлири қуруш мандатини тапшурди. Униңда Қураллиқ күчлири тәркивидин қурулған течлиқпәрвәр күчлириниң айлиқ маашиму бәлгүләнди.