• Әхбаратлар еқими
• 01 Ақпан, 2024

Қанчә көчәт тикилиду?

Насирахун РОЗАХУНОВ,
“Uiğur avazi”

Бийил “Бурабай” миллий паркиниң коллективи алдимиздики бәш жил ичидә 2 миллиардтин ошуқ көчәт тикиш бойичә миқияслиқ дөләт лайиһиси даирисидә 500 миңдин ошуқ көчәт тикишни планлаватиду.
Президентниң иш башқуруш хизмити мәтбуат-хизмитиниң тәкитлишичә, “Бурабай” дөләт миллий тәбиий паркини аватлаштуруш бойичә ишлар системилиқ рәвиштә жүргүзүлмәктә.
«Атап ейтқанда, 2023-жилда миллий парк хадимлири 65 гектар йәргә 500 миңдин ошуқ көчәт тиккән. У йәрдә аддий дәл-дәрәқтин ташқири мөгилик көчәтләрму бар. Жиғилған вә қурутулған уруқлар йепиқ беналарда вә бәлгүлүк температурида һәм нәмликтә сақлиниду. Вақти кәлгәндә уруқ терилиду, суғирилиду вә отилиду, икки жил өткәндин кейин тегишлик җайларға тикилиду”, – дәйду миллий паркниң бөлүм башлиғи Александр Ковалев.
Февраль ейиниң ахирида орманлиқларға уруқларни териш ишиға тәйярлиқ башлиниду. Мәзкүр ишлар мәмликәтниң экологиялик вәзийитини яхшилашқа қаритилған.