• Әхбаратлар еқими
• 08 Ақпан, 2024

Новәт запастики офицерларға кәлди

Қазақстанда запастики офицерлар икки жиллиқ һәрбий хизмәткә чақиритилидиған болди. Қазақстан Җумһурийитиниң Премьер-министри Алихан Смаилов әйнә шундақ тохтамға қол қойди.

Насирахун РОЗАХУНОВ,
“Uiğur avazi”

«2024-жилда һәрбий хизмәткә ярайдиған, лекин хизмитини өтимигән запастики офицерлар һәрбий хизмәткә чақиртилсун» дейилиду тохтамда.
Һөҗҗәтниң қошум­чисида көрситилишичә, үстимиздики жили Қазақстан Җумһурийити Қураллиқ күчлиригә — 600, Миллий бехәтәрлик комитетиниң чегаричилар хизмитигә — 80, Миллий гвардиягә 42 адәм, Пәвқуладдә вәзийәтләр министрлигигә 30 адәм чақиртилиду.
 “Һәрбий хизмәт вә һәрбий хизмәтчиләрниң статуси тоғрилиқ” қанунниң 32-маддисиға мувапиқ 29 яшқичә болған запастики офицерлар вә 32 яшқичә болған медицина хизмитиниң запастики офицерлири течлиқ вақитта һәрбий хизмитини өтәйду.