• Әхбаратлар еқими
• 08 Ақпан, 2024

«Миллий фонд – балиларға»: дәсләпки мәбләғ чүшти

Мәлумки, 2024-жили 1-қәһритандин башлап «Миллий фонд – балиларға» программиси ишқа қошулди. 1-һот күнидин башлап 18 яшқичә болған барлиқ қазақстанлиқларға бирпүтүн пенсия топлаш фондиға дәсләпки мәбләғ чүшти. 

Йолдаш МОЛОТОВ, 
«Uiğur avazi»

Фондниң бәргән мәлуматлириға асаслансақ, программиға 6 919 131 бала киргән (01.01. 2006-жилидин 31.12.2023 жил ичидә туғулған балилар). Уларниң ичидә 304 815 бала 2024-жили 18 яшқа толиду. Һәммә балиларға 100 АҚШ доллири 52 цент көләмидә мәбләғ чүшти.
 Миллий банк хәвәр қилғинидәк, Миллий фонди биржиллиқ инвестициялик кирими 1,39 миллиард долларни тәшкил қилған. «Бу Миллий фондниң 18 жил ичидики оттура һесапта алған кирими. Шуниң ичидә Миллий фондниң 18 жил ичидә оттура биржиллиқ кирими 2,60 пайизни (долларда) тәшкил қилған. Миллий фондниң инвестициялик кириминиң 50 пайизи – бу 2024-жилға қойилидиған тәләпләрниң мәблиғи. У 69,5 миллион долларни тәшкил қилған», дәп хәвәрлиди бирпүтүн пенсия топлаш фондиниң мәтбуат хизмити.