• Әхбаратлар еқими
• 08 Ақпан, 2024

Йеңи премьер тайинланди

Олжас Бектенов 1980-жили Алмутида туғулған. 2001-жили Қазақ дөләт әдлийә академиясини тамамлиған, әдлийә хадими. Әмгәк паалийитини 2002-жили Алмута шәһәрлик әдлийә башқармисидин баш мутәхәссис болуп башлайду. 2005-2006-жилларда ҚҖ премьер-министри канцеляриясиниң әдлийә бөлүминиң эксперти, баш эксперти болуп ишлиди. 2006 — 2009-жиллар арилиғида ҚҖ Президенти Мәмурийитидә паалийитини давамлаштуриду. 2009 — 2012-жилларда ҚҖ Әдлийә министрлиги тиркәш вә қанун бойичә ярдәм көрситиш хизмити комитети рәисиниң орунбасари, 2012 — 2014-жиллири ҚҖ ихтисадий вә коррупция җинайитигә қарши күрәш бойичә агентлиғиниң мәркизий аппаратида департамент башлиғи, 2015-2016-жиллири Астана шәһири һакими аппаратиниң рәһбири, ҚҖ Президенти Мәмурийити рәһбири кативатиниң йетәкчиси, 2016-2017-жиллири Астана шәһири бойичә коррупциягә қарши һәрикәт бойичә Миллий бюро департаментиниң рәһбири, 2017-2018-жиллири Ақмола вилайити һакиминиң орунбасари, 2018-2019-жилларда ҚҖ дөләт хизмити вә коррупциягә қарши һәрикәт агентлиғи рәисиниң биринчи орунбасари охшаш лавазимлиқ хизмәтләрдә болди. 
2022-жили һот ейидин 2023-жили үмүт ейиғичә ҚҖ коррупциягә қарши һәрикәт бойичә агентлиққа рәһбәрлик қилди. 2023-жили 3-үмүт күни ҚҖ Президентниң Пәрманиға бенаән Қазақстан Җумһурийити Президенти Мәмурийитиниң рәһбири болуп тайинланди. 
ІІ дәриҗилик «Айбын» вә ІІ дәриҗилик «Даңқ» орденлири билән мукапатланған.