• Йеңилиқлар
• 27 Ақпан, 2012

Алий сот рәиси студентлар билән учрашти

Җәмийәт һоқуқ мавзусини объектив йорутушқа вә уни чоңқур тәһлил қилишқа қадир журналистларға муһтаҗ. Бу тоғрилиқ Қазақстан Җумһурийити Алий сотиниң рәиси Бектас Бекназаров (сүрәттә) Әл-Фараби намидики Қазақ миллий университети журналистика факультетиниң профессор-оқутқучилар тәркиви вә студентлири билән өткүзгән учришишта тәпсилий тохталди. Алий сот рәиси алий оқуш орунлириниң журналистика факультетлири асасида һоқуқ журналистика охшаш мутәхәссисликни вуҗутқа кәлтүрүш мәсилисиниң пишип йетилгәнлигини алаһидә тәкитләп, пикриниң асаслиқ екәнлигини бир қатар мисаллар арқилиқ дәлиллиди. Униң пикричә, журналистлар көтириливатқан мәсилигә аһалиниң қизиқишини техиму ашуруш мәхситидә көп чағларда вақиәликкә нисбәтән алдирап хуласә чиқириду. Әслидә сотниң қарари күчигә киргәнгә қәдәр, қандақту-бир хуласини чиқиришқа әтигән. Бектас Бекназаров шундақла әхлақ мәсилисиниму көтәрди. Раст, журналист қанунларни билмәй қелишиму мүмкин. Бирақ адәмни сот һөкүмисизла җинайәтчи дәп әйипләш арқилиқ у әмәлиятта униң шәнигә дағ кәлтүридиған әхбаратни тарқатқан болиду. Учришишта сөзгә чиққан Әл-Фараби намидики ҚазМУ журналистика факультетиниң декани Есберген Алахунов немә үчүн Қазақстанда һоқуқ журналистикисиниң тәрәққий әтмигәнлиги тоғрилиқ пикир қилип, мәхсус дәрислик әдәбиятларниң йоқлиғини әйнә шуниң сәвәплириниң бири сүпитидә көрсәтти.

Бәхтишат СОПИЕВ.