Qazaqstanliq sportçilar 30 medal' utuvaldi

0
1 861 ret oqıldı

Mäşür SASİQOV, «Uyğur avazi»/ Yeqinda Birläşkän Äräp Ämirlikliriniŋ Abu-Dabi şähiridä braziyalik djiu-djitsu boyiçä duniyaviy festival' vä çempionat bolup štti. Uniŋğa moşu sport türini җumhuriyitimizdä täräqqiy ätküzüşkä kšp küç çiqirivatqan täҗribilik mäşiqländürgüçi Armanҗan Rozahunovniŋ rähbärligidä Qazaqstandin 53 sportçi iştrak qildi.Mälumki, Armanҗan Rozahunov – päqät mäşiqländürgüçila ämäs,  şundaqla җumhuriyätlik braziyalik djiu-djitsu federatsiyasiniŋ prezidenti. Uniŋ šz şagirtlirini toğra häm barliq qaidilärgä riayä qilğan halda tärbiyilişi keyinki vaqitlarda šz nätiҗisini berivatidu. Mäsilän, sportniŋ bu türi bilän uniŋ qolida şuğullinivatqan šsmürlär däsläp җumhuriyätlärara turnirlarda ğalip çiqqan bolsa, bu qetim ular häliqara däriҗidiki festival' bilän çempionatta Qazaqstanniŋ şänini qoğdap, 30 medal' utuvaldi. Moşu yärdä ğalip çiqqanlar arisida yättä uyğur pärzändiniŋ bar ekänligini alahidä täkitläp štkinimiz kelidu.

Abu-Dabidiki duniyaviy sport märasimidin alğan täsiratliri bilän bšlüşüşni iltimas qilğinimizda, Armanҗan Turğanҗan oğli tšvändikilärni eytip bärdi:

Һorunluqni tamamän çätkä qayrip qoyup, qiyin mäşiqlinişlär šz mevisini bärdi. – Festival'niŋ başlinişidiki җäŋlärgä qizlirimiz çüşti. Näq şu nazuk җanlar, yäni Dinara Muratova — altun, Adiya Aslanqızı kümüç medal'larni bizniŋ ğoҗunimizğa däsläpkilärdin bolup saldi. Andin jigitlirimizdin Kemal' Rozahunov, Abdusalam Abdusalamov vä Damir Murat altun medal' sahibi atalsa, yarkäntlik İlşat Һosmanov bronza medaliğa qol yätküzdi. Ändi festival' ayaqlişip, çempionat başlanğinida, «җäŋlär» käskin şaraitta štti. Bu sinaqtimu bizniŋ balilirimiz boş kälmäy, İlzat Anayätov — altun, Nail' Şamsutdinov — kümüç vä Җamal Rozahunov bronza medal'lirini elişqa muyässär boldi.

Abu-Dabida däsläpki qetim štküzülüvatqan paraatletlar festivalida imkaniyiti çäklängän sportçilarmu šz mahiritini sinap kšrdi. Qazaqstandin qatnaşqan yalğuz paraatlet İldar Zäynalov braziyalik djiu-djitsuni başqilardin kam ügänmigänligini oçuq namayiş qilip, kümüç medal'ğa qol yätküzüptu.

Festival'-çempionatniŋ uyuşturuluşidin birär kamçiliq tepiş äsla mümkin ämäs — däydu Armanҗan Turğanҗan oğli. – Buniŋdin taşqiri, sahiphanlar sportniŋ bu türini intayin yaqturidekän. Mäzkür festival'da ğalip çiqqan šsmürlärgä Abu-Dabi şähiriniŋ şeyhi bilän başqimu lavazimliq şähslärniŋ kelip, mukapat tapşurğanliği vä yärlik ähbarat vasitiliri ğälibä qazanğan qazaqstanliq sportçilar häqqidä kšlämlik maqalilarni elan qilğanliği şuniŋ yarqip kšrünüşidur.

Sağlam hayat tärizini tärğip qilip, birmunçä şagirtlarni täyyarlap ülgärgän häm җumhuriyättä djiu-djitsuni täräqqiy ätküzüşkä salmaqliq hässä qoşuvatqan Armanҗan Rozahunovniŋ işliriğa utuq tiläymiz.

Bälüşüş