Aygülni ayimiğan kim?

0
38 ret oqıldı

Mäşür SASİQOV,
«Uyğur avazi»

Bügünki dävirniŋ qorqunuçluq, azap-oqubät vä därt-äläm elip kelidiğan yeŋiliqliriniŋ biri – adämlärniŋ iz-tizsiz yoqap ketişi boldi. Һär küni degidäk «palani yärdä pustançi yoqap ketiptu» degängä ohşaş hävärni pat-pat aŋlaydiğan bolduq. Һätta bäzidä uniŋğa ähmiyät bärmäydiğan däriҗigä yättuq.
Bu qetimqi, yäni Talğir nahiyäsi Belbulaq yezisiniŋ turğuni, Asfendiyarov namidiki Qazaq milliy meditsina universitetiniŋ İ kurs studenti Aygül Amangeldıniŋ 13-may küni šydin oquşqa ketip, qaytip kälmigänligi şähärliklär bilän tävä hälqini helila häläykümgä saldi. Bari-yoqi on säkkiz yaşliq qizniŋ heçqandaq säväpsiz yoqap ketişigä uniŋ yeqinlirila ämäs, bälki billä oquvatqan täŋtuşliri vä buniŋdin uçur tapqan barliq kişilär izdäştürüş işliriğa därhal kirişip kätti.
Aygülniŋ yeqinliriniŋ eytişiçä, u här küni şähärgä taksi tutidu. Bu künimu ähval näq şundaq bolğan. Şuŋlaşqa içki işlar organliri hadimliri bilän birliktä qurulğan pidaiylar topi bir häptä boyi Talğir – Almuta marşrutini toluq arilap çiqidu. Kütülmigän yärdin pärzändidin ayrilğan ata-ana, qom-qerindaş zar jiğlap, palçi-rämçilärniŋmu hizmitigä tayinidu. Ularniŋ kšpçiligi, rast-yalğinini uqmiduq, «Qiziŋlarni İşiktä täräptä birliri tutup turidu» degän tähminni eytişidu. «Palğa işänmä, palsiz jürmä» demäkçi, uruq-tuqqanlarniŋ yerimi İşiktä şähirini çarlaşqa başlaydu.
Qan jiğlaşlar bilän u yan-bu yan çepişlar nätiҗisiz bolğanliqtin, ata-ana pärzändiniŋ hayat ekänligidin ümütini üzmäy jürginidä, 20-may küni Belbulaq yezisiğa yeqin tağliq çatqalliqta Aygülniŋ җäsidi tepilidu. U yärdiki härqandaq bağri taşniŋ jürigini ezidiğan bozlaşlarni til bilän yätküzüş qiyin. Ata-ana «qozam» desä, qerindaş, uruq-tuqqanlar «bağrimğa» saldi.
Mutähässislär «Aygül šzigä šzi qol salğan, yäni suitsid» degän däsläpki tähmin bilän çäkländi. Çünki җäsätniŋ boynida ağamçiniŋ izi qalğan. Telefon vä başqimu şähsiy keräk-yaraqliri җayida. Biraq yaş qizniŋ jutdaşliri «Uni qästän šltürüvätti yaki zorliğan. Oquşta älaçi, dayim huşhoy jüridiğan Aygülniŋ šzigä šzi qol selişi mümkin ämäs!» degän pikirni eytmaqta. Älvättä, ähvalniŋ eniq-qeniğiğa salahiyätlik mutähässislär yetidu däp oylaymiz. Buniŋdin taşqiri, bu iş çoŋ ämäldarlar täripidin nazarätkä elindi.
Tehi on güliniŋ biri eçilmiğan, kälgüsidä stomotolog käspini egiläp, hälqigä hizmät qilişni arman qilğan qizçaq qandaqmu šzigä-šzi qol salsun?
Bu çoqum bir qara niyätniŋ paskina işi. Aygülni ayimiğan kim? Bu soalğa, işänçimiz kamilki, hoquq qoğdaş organliri toluq vä eniq җavap beridu.

Bälüşüş

Javap qalduruŋ