• Мукапат мубарәк!
• 16 Желтоқсан, 2016

Мәйрәмлик соға

Түнүгүн Алмутидики «Достлуқ» өйидә Қазақстан Җумһурийити Мустәқиллигиниң 25 жиллиғи мунасивити билән зиялилар, Қазақстан хәлқи Ассамблеясиниң әзалири билән миллий этномәдәнийәт мәркәзлириниң вәкиллиригә «Қазақстан Республикасы Тәуелсіздігіне 25 жыл» вә «Қазақстан халқы Ассамблеясының қоғамдық «Бірлік» алтын медалі» тәнтәнилик рәвиштә тапшурулди. Мукапатларни тапшуруш тәнтәнисигә беғишланған мәрасимни Қазақстан хәлқи Ассамблеяси Рәисиниң орунбасари Ералы Тоғжанов ечип, қатнашқучиларни Мустәқиллик мәйрими билән тәбриклиди. Елимизниң иҗтимаий-сәясий тәрәққиятиға үлүшини қошуватқан җәмийәт әрбаплири билән җәмийәтлик ишларниң активистлири Рәисниң орунбасариниң қолидин жуқурида аталған медальларни елишқа муйәссәр болди. Уларниң арисида миллитимиз вәкиллириму бар. Җүмлидин «Уйғур авази» гезитиниң баш муһәррири Ершат Әсмәтов «Қазақстан Республикасы Тәуелсіздігіне 25 жыл» медали билән, җумһурийәтлик Уйғур этномәдәнийәт мәркизиниң башқарма әзаси Таҗиниса Тохтиева Қазақстан хәлқы Ассамблеясиниң «Бірлік» алтун медали билән тәғдирләнди. Бәхтишат СОПИЕВ, СҮРӘТТӘ: Е. Тоғжанов Т.Тохтиеваға мукапат тапшуруватқан пәйт.