- Җасарәт — мәңгүлүк
- 04 Мамыр, 2017
Орни толмас җудалиқ
Sputnik нәшри Астана вә Москва оттурисида алдимизда өткүзүлидиған «Бирлик қолға кәлтүргән Улуқ Ғалибийәт: фронтниң әрлиги – арқа сәпниң бәрдашлиғи» VII Хәлиқара ғалиплар форумиға беғишланған видеокөрүк өткүзди. Мәзкүр форумға МДҺ вә Прибалтика әллиридин һәм Грузиядин уруш ветеранлири, тарихчи алимлар, экспертлар һәм журналистлар қатнашти.Видеокөрүк давамида көрнәклик җәмийәт әрбаби Олжас Сүлейменов фашизм үстидин қолға кәлтүрүлгән Ғалибийәткә тохтилип, буниңда һәрбир айрим мәмликәтниң ролини төвәнләтмәсликкә чақирди. «Мәдәнийәт» фондиниң рәһбири мундақ дәһшәтлик рәқәмләрни кәлтүрди: Улуқ Вәтән урушиниң мәйданлирида 350 миң қазақ һалак болған. Әнди өткән әсирниң 40-жиллириниң бешида болса, уларниң сани бари-йоқи 2 миллионға йеқин еди.
— Кимду-бири буни 27 миллион адәмниң (СССР шу урушта айрилған адәмләрниң сани) бир қисмила дейиши мүмкин. Шу чағдики икки миллионға йеқин қазақ үчүн 350 миң адәмдин айрилиш – орни толмас җудалиқ – униң тәсири һазирму сезилмәктә. Қазақстан миллионлиған адәмләргә, санаәтни, йеза егилигини аман сақлап қелиш үчүн өз территориясини бәрди. Қазақстан йеригә бирму фашист бомбиси чүшмигини билән, у йүз миңлиған адимидин җуда болди, — дәп билдүрди Олжас Сүлейменов.
408 рет
көрсетілді0
пікір