• Мукапат мубарәк!
• 13 Наурыз, 2019

Әң илғар станция аталди

Сабирәм ӘНВӘРОВА, “Уйғур авази” «Алатав Жарық компаниясы» акционерлиқ җәмийити елимизниң җәнубий пайтәхтини һәм Алмута вилайитини электр энергияси билән тәминләйду. Уйғур наһийәсиму ушбу компанияниң хизмитидин пайдилиниду. Бүгүнки күндә бу компанияниң Уйғур наһийәлик шөбисиниң хизмитини пәхирлиниш билән тилға алалаймиз. Хулләс, 2016-жилдин буян «Алатав Жарық компаниясы» конкурс елан қилип, әң илғар электр станциясини ениқлап кәлмәктә. Хуш қилидиғини, новәттики конкурста компанияниң Уйғур наһийәлик электр станцияси биринчи орунға муйәссәр болуп, кубок һәм 2 миллион тәңгиниң сертификати билән тәғдирләнди. Шу мунасивәт билән «Алатав Жарық компаниясы» акционерлиқ җәмийитиниң Уйғур наһийәлик электр станциясиниң рәһбири Валерик Данахуновни утуғи билән тәбриклидуқ. Валерик Данахуновниң тәкитлишичә, станция 2017-жили ІІ орунға сазавәр болуп, 1,5 миллион тәңгә билән мукапатланған екән. Әнди 2018-жилниң нәтиҗиси бойичә конкурсқа чүшкән 10 вилайәтлик, 7 наһийәлик электр станциясиниң арисидин ғалип чиқти.