• Турнир
  • 11 Желтоқсан, 2019

Дияр йәнә көзгә чүшти

Мәшүр САСИҚОВ, «Уйғур авази» Йеқинда Алмута шәһиридики «Дебют» шахмат клубида көрнәклик җәмийәт әрбаби, Улуқ Вәтән урушиниң қатнашқучиси, Сталинградтин та Берлинғичә болған мусапини бесип өтүп, җәңләрдә көрсәткән әрлиги үчүн көплигән орден-медальлар билән мукапатланған Сәйдалим Тәнекеевниң намидики әнъәнивий шахмат турнири болуп өтти. Униңға шахматқа һәвәс бағлиған йәттә яштин йәтмиш яшқичә болған ишқивазлар билән кәспийләрму қатнашти. Уруштин қайтип, хизмәт бабида Москвада бираз вақит жүрүшкә тоғра кәлгән Сәйдалим Тәнекеев шу шәһәрдә өткүзүлгән шахмат бойичә дуния чемпионатиға қатнишиш пурситигә егә болиду. Әйнә шуниңдин етиварән, у шахматқа чәксиз муһәббәт бағлап, өсмүрләр арисида «шаһлар оюнини» тәшвиқат қилишқа көп чиқириду. Елимиз мустәқиллик алғандин буян Сәйдалим Тәнекеев намидики турнир турақлиқ өткүзүлүп келиватиду. Ейтиш керәкки, мәзкүр турнир қатнашқучилири арисида чемпионлар йетилип чиқти. Мәсилән, бирнәччә дүркүн дуния чемпиони Жансая Абдумәлик шуларниң биридур. Һә, бу қетимқи турнирда шахматқа иштияқ бағлиғанлар барлиқ әқил-парасити арқилиқ имканқәдәр рәқиплириниң үстидин ғәлибә қазинишқа интилди. Уларниң арисида шахматтин талай кәспийләрни артта қалдуруп, исми көпчиликкә тонулған Арислан Әлахунов билән Алмута шәһиридики 54-мәктәпниң 4-синип оқуғучиси, 2018 – 2019-жиллири Алмута шәһәрлик вә Азия чемпионатлирида алдинқи орунларға егә болған Дияр Пәхирдиновму (сүрәттә солда) (мәшиқләндүргүчиси Марат Примбетов – М.С.) бар. Мошу йәрдә Диярниң шахматтики «паалийитигә» қисқичә тохтилип өтүш орунлуқ болса керәк. Шундақ қилип, у шахмат маһирлири Леонид Юртаевниң кубоги үчүн өткән турнирда 9 пайдин 8,5ни жиғип, І орунни егилисә, Анатолий Карпов намидики турнирда 9дин 7,5 пай топлап, үчинчи орунға қол йәткүзди вә Алмута шәһәрлик вә Азия чемпионатлирида ІІІ һәм ІV орунлардин көрүнгән. Әнди мәзкүр мусабиқидә Арислан Әлахунов 6 пай билән финалға чиққан он адәмниң қатариға кирди. Қизиқарлиғи, оюн давамида Арислан акимиз билән Дияр инимизғиму өзара күч синишишқа тоғра кәлди. Бу оюнда ғәлибә қазанған Диярниң қабилийитигә қазилар жуқури баһа берип, униң келәчигидин чоң үмүт күтидиған өсмүрләрниң бири екәнлигини тәкитлиди. Шуни қошумчә қилимизки, йеқинда Арислан Әлахунов Нур-Султан шәһиридә 50 — 65 яш арилиғидики чоңлар арисида өткән “Сеньор и Сеньорита” чемпионатиға иштрак қилди. Униңда шахмат бойичә спорт маһири Виктор Журавлев билән спорт маһирлиғиға намзат Қунанбай Сагнаев кәби Қазақстан чемпионлири үстидин ғалибийәт қазинип, ІV орунға сазавәр болди.

25 рет

көрсетілді

0

пікір
Алдыңғы мақала Өсмүрләр күч синашти
Келесі мақала Устаз һөрмитигә беғишланди

Біздің Telegram каналына жазылыңыз

алдымен сізді қызықтыратын барлық жаңалықтарды біліңіз

ПІКІР ҚАЛДЫРУ

Сіздің электронды пошта жарияланбайды. Қатарды міндетті түрде толтырыңыз *

Уйғур авази

16 Қыркүйек, 2020

Жүктеу (PDF)

Редактор блогы

Ершат Моллахун оғли ӘСМӘТОВ

Редактор блогы