• Мукапат мубарәк!
• 19 Қазан, 2023

Пәхрий намға сазавәр болди

Җумһурийәт күни мәйрими һарписида елимиз пайтәхти Астана шәһиридә Дөләт рәһбири Қасым-Жомарт Тоқаевниң «Йеңи Қазақстан: Йеңилиниш йоли» намлиқ Қазақстан хәлқигә йоллиған Мәктүбини җәмийәткә һәртәрәплимә тәшвиқат қилиш мәхситидә өткүзүлгән «Жаңа Қазақстанниң парасатты тұлғасы» намлиқ җумһурийәтлик конкурсиниң ғалиплирини мукапатлаш мәрасими болуп өтти.
Бу қетим конкурс йәкүни бойичә көпмилләтлик елимиздә хәлиқләр достлуғи билән милләтләрара разимәнликни мустәһкәмләшкә қошқан салмақлиқ үлүши үчүн бир топ җәмийәтлик ишларниң активистлириға «Қазақстан Җумһурийитиниң Пәхрий граждини» атиғи берилди. Уларниң арисида миллитимиз вәкиллиридин җумһурийәтлик Уйғур этномәдәнийәт мәркизи йенидики Ақсақаллар кеңишиниң рәиси Ярмәһәмәт Кебиров билән җәмийәтлик ишларниң активисти, Варшава Шәртнамиси вә Германиядики Кеңәш әскәрлири топиниң Әмгәкчиқазақ наһийәси бойичә рәиси Майдин Абдуллаев бар. 
Мәдәнийитимиз җанкәйәрлирини ушбу хошаллиғи билән сәмимий тәбрикләп, елимиз вә хәлқимиз мәнпийитидики паалийитигә муваппәқийәт тиләймиз.