• Хәйрихаһлиқ
• 16 Қараша, 2023

Бәргән қол соғулмас!

Бүгүнки күндә наһийәдә гезит-журналларға муштири топлаш иши интайин қизғин қолға елинди. Мәлә-мәлиләрдә жигитбашлири, ханим-қизлар рәислири өйму-өй кирип дегидәк көпчиликни уларға йезилишқа дәвәт қиливатиду. Бу мәсилидә қолида бар һаллиқ адәмләрму чәттә қеливатқини йоқ.
 Йеқинда шундақ сахавәтлик жигитлиримизниң бири, тәминати начар ондин ошуқ аилигә җумһурийәтлик «Уйғур авази», «Или вадиси – Іле өңірі», «Азия бүгүн», наһийәлик «Қарадала», вилайәтлик «Алатау ардагері» гезитлириниң келәр жилға йезилған квитанциялирини тапшурди. Исмини аташни халимиған жутдишимиз бу өзиниң инсаний борчи екәнлигини тәкитләйду. 
 Хошал қилидиғини, ундақ сехи мәрт инсанлар һәрбир жутта тепилиду. Мошу йәрдә биз жуқурида қәйт қилған меһир-шәпқәт егилириниң таҗсиман вирус пандемияси пәйтидә наһийәлик ағриқханиға қиммәт баһалиқ медицина җабдуқлирини елип бәргинини ядиңларға салғумиз келиду. 
 «Бәргән қол соғулмайду» дәйду дана хәлқимиз. Илаһим, әшундақ алийҗанап инсанлар көпийәвәргәй. 

Абдуразақ ТОХТИБАҚИЕВ,
Уйғур наһийәлик Ақсақаллар вә ветеранлар   кеңиши рәисиниң орунбасари