• Мубарәк болсун!
• 22 Ақпан, 2024

Тәвәллуд мубарәк, кәсипдаш!

Тәһриратимизда чоң­ хошаллиқ.  Коллективимиздики әң яш кәсипдашлиримизниң бири, гезитимизниң безилишигә мунасип һәссә қошуватқан дизайнер Әзиз Ғаппаров бу күнләрдә 40 яшқа толуватиду. Шу мунасивәт билән биз уни қизғин тәбрикләймиз.
Әзиз  һәққидә сөз қилғанда, у «Уйғур авази» гезитиға ишқа орунлашқандин бу ян, өз ишини мукәммәл билидиған салаһийәтлик мутәхәссис екәнлигини көрситишни билди. Һазир компьютер билән Интернетниң дәври болғачқа, уларсиз иш пүтмәйду. Әйнә шундақ җавапкәрлик ишниң бешида бизниң кәсипдишимиз туриду. Шуңлашқа Әзиз Ғаппаровниң кәсипдашлири арисидики аброй-инавитиму бәләнт десәк, һәргиз мубалиғә болмайду.
Әзиз Ғаппаровниң исим-нәсибиси гезит бетидә көрситилмәйдиған «көрүнмәс мәйданниң җәңчиси» болушиға қаримай, миңлиған оқурмәнлиримиз тәшналиқ билән күтидиған «Уйғур авазини» уларниң көңлидин чиққидәк дәриҗидә безәп келиватиду. Биз әйнә шундақ өз ишиға пухта, ишләмчан кәсипдишимизниң бар екәнлиги билән һәқлиқ йосунда пәхирлинимиз вә униңға мустәһкәм саламәтлик, аиләвий хатирҗәмлик, ишиға утуқ тиләймиз!
«Уйғур авази» гезитиниң тәһрирати